| e-texts navigator |
| Wylie |
129a1 པའི་ཡེ་ཤེས་ལུས།། རིག་པ་ཕྱོགས་མེད་བྱང་ཆུབ་འཆར།། སོ་སོར་མ་ཡིན་ཡེ་ནས་གཅིག། དེ་ཕྱིར་ཡོན་ཏན་བསྟན་པ་བཀའ།། བྱང་ཆུབ་དང་དུ་ཐམས་ཅད་འདུས།། མཁའ་མཉམ་དབང་ཕྱུག་ཆེན
129a2 པོའི་ཐུགས།། ཡེ་ཤེས་སངས་རྒྱས་ཀུན་དང་མཉམ།། སྡེ་སྣོད་ཆོས་རྣམས་ཐུགས་ལ་རྫོགས།། དེ་ཡི་ཡོན་ཏན་ཆེན་པོ་ནི།། ཞེ་འདོད་རིགས་ལྔར་མ་གྲུབ་ཀྱང་།། རང་གི་སེམས་ལ་སངས་རྒྱས་ཚང་།། དེ་ཉིད་འབྲས་བུ
129a3 དམ་པར་གསུངས།། དེ་ཡང་རྡོ་རྗེ་སེམས་དཔའ་ཉོན།། སྔོན་ཚེ་རྣམ་གཟིགས་བསྟན་པ་ལ།། བྲམ་ཟེ་དཔལ་ལྡན་བྱ་བའི་བུས།། རང་སེམས་རྟོགས་པའི་དོན་མེད་པར།། གཞན་ནས་འབྲས་བུ་ཞེ་འདོད
129a4 ཀྱིས།། རིགས་ལྔའི་སངས་རྒྱས་ནམ་འགྲུབ་ཅེས།། ཡིད་ལ་བསམས་ཤིང་ལྷ་བསྒོམ་པས།། འབྲས་བུ་མེད་ཅིང་འཁོར་བར་སྐྱེས།། དེ་ཕྱིར་རེ་དོགས་མེད་པར་བྱ།། དེ་ཡང་འདུས་པའི་སྙིང་པོ་ཉོན།། རེ་མེད་དོན་ནི
129a5 དྲན་བྱས་ན།། ཆོས་ཉིད་སངས་རྒྱས་ས་ལ་གནས།། དོགས་མེད་དོན་ལ་མ་ཡེངས་ན།། སྒྲིབ་པ་སྦྱངས་པའི་ཐབས་མི་དགོས།། དེ་ཡང་རྡོ་རྗེ་སེམས་དཔའ་ཉོན།། ངོ་བོ་ཉིད་ཀྱི་ཆོས་སྐུ་ལ།། གང་ཡང་མ་འགགས་ནམ
129a6 མཁའ་བཞིན།། འཁོར་འདས་ཞེན་མེད་འབྲས་བུ་མིན།། དེ་ཉིད་རང་སེམས་སྙིང་པོར་ཤར།། འགྲོ་དྲུག་སེམས་ཅན་ཐམས་ཅད་ལ།། ཆོས་ཉིད་རང་ཆས་དོན་རྟོགས་ན།། བསྒོམ་ཞིང་བསྒྲུབ་པའི་ནད་དང་བྲལ།། ཡེ
iiif viewer powered by OpenSeadragon
