| e-texts navigator |
| Wylie |
128b1 ཉིད།། དེ་དོན་མི་བརྗེད་ཡེ་དྲན་ཕྱིར།། མཚན་མའི་ཡུལ་ལ་མ་ཞེན་པས།། ཡུལ་ཉིད་སེམས་སུ་སྡུད་བྱེད་པ།། གཟུགས་ཁམས་གནས་སུ་ལྷུང་མི་འགྱུར།། རང་སེམས་རྟོགས་པ་མངོན་གྱུར་པས།། རེ་དང་དོགས་པའི
128b2 བློ་བྲལ་ཕྱིར།། གང་ཡང་འཛིན་མེད་ཐུགས་ལ་གསལ།། ཉན་ཐོས་ས་རུ་ལྟུང་མི་འགྱུར།། དང་པོ་བལྟ་བ་བདག་མེད་ཕྱིར།། མཚན་མའི་ཡུལ་ལ་མ་ཞེན་པས།། ཡུལ་ཉིད་སེམས་སུ་སྡུད་པ་མེད།། འདོད་ཁམས
128b3 གནས་སུ་ལྷུང་མི་འགྱུར།། དེ་ཡང་འདུས་པའི་སྙིང་པོ་ཉོན།། ནམ་མཁའ་ཉི་ཤར་མུན་པ་མེད།། དེ་བཞིན་རང་རིག་ཆོས་སྐུ་ལ།། མ་རིག་མེད་པས་ཡེ་ཤེས་ཤར།། སངས་རྒྱས་ཐུགས་ལ་འཆར་ནུབ་མེད།། དེ་ཕྱིར
128b4 འབྲས་བུ་སངས་རྒྱས་ཆོས།། རྫོགས་པ་ཆེན་པོ་དོན་འདུས་རང་བྱུང་བདེ་བའི་འཁོར་ལོའི་རྒྱུད་ལས། འབྲས་བུ་ལྟུང་མེད་བསྟན་པའི་ལེའུ་སྟེ་སོ་གཅིག་པའོ།། །། དེ་ནས་འདུས་པའི་འཁོར་རྣམས་ལ།། ཀུན
128b5 རིག་སྟོན་པས་བཀའ་སྩལ་པ།། ཐུགས་ཀྱི་གདེང་ཆུད་སྐལ་ལྡན་ལ།། མི་ནུབ་ཕྱོགས་ཀྱི་གཏེར་དུ་ནི།། དུས་གསུམ་རྒྱལ་བའི་ཆོས་ཀྱི་སྐུ།། རང་བྱུང་ཐུགས་ལ་གསལ་བའི་དོན།། མཉམ་ཉིད་འགྲོ་དོན་བྱེད་པའི
128b6 ལམ།། ཚད་མ་རང་གི་དབང་ཕྱུག་གིས།། རྗེས་གསོབ་ཐུགས་ཀྱི་སྲས་མཆོག་ལ།། སྐྱེ་འགགས་འཁོར་བའི་སྤོང་ལེན་མིན།། བདག་དང་བྲལ་བ་རྒྱལ་བའི་ཐུགས།། དེ་ཡང་འདུས་པའི་སྙིང་པོ་ཉོན།། འདུ་འབྲལ་མེད
iiif viewer powered by OpenSeadragon
