| e-texts navigator |
| Wylie |
128a1 མ་གསར་པའི་ཚུལ་བཞིན་དུ།། འཇམ་ཞིང་ཞི་བར་རྟག་ཏུ་བྱ།། དེ་ཡང་རྡོ་རྗེ་སེམས་དཔའ་ཉོན།། མདོར་ན་སྤྱོད་པ་དེ་དག་གིས།། སྔ་ཕྱི་རྟོག་པ་བརྟས་པ་ཡང་།། ཇེ་ཞི་ཇེ་ཕྲ་རང་བརླག་ནས།། ཆོས་སྐུ
128a2 ཡེ་ཤེས་ལྷུན་གྱིས་གྲུབ།། ཉི་མ་ལ་ནི་ཟེར་འབྱུང་བཞིན།། ཞིང་ཁམས་ཡོངས་སུ་དག་པ་ལ།། སྐུ་གསུང་ཡོན་ཏན་ཕྲིན་ལས་སོགས།། ཆེ་བའི་ཡོན་ཏན་མ་ལུས་འབྱུང་།། རྫོགས་པ་ཆེན་པོ་དོན་འདུས་རང་བྱུང་བདེ
128a3 བའི་འཁོར་ལོའི་རྒྱུད་ལས། མཐུན་འཇུག་ཐབས་ཀྱི་སྤྱོད་པ་བསྟན་པའི་ལེའུ་སྟེ་སུམ་ཅུ་པའོ།། །། དེ་ཡང་འདུས་པའི་སྙིང་པོ་ཉོན།། འབྲས་བུ་རིམ་འབྱུང་ངས་བཤད་ཀྱིས།། ལེགས་པར་ཉོན་ལ་ཡིད་ལ
128a4 ཟུང་།། དེ་ཡང་འཁོར་རྣམས་ལེགས་པར་ཉོན།། གནས་པའི་ཏིང་འཛིན་དོན་ལྡན་པས།། ཡེ་ཤེས་བག་ཆགས་ཆ་བསྙམ་ཕྱིར།། གསལ་ལ་མི་རྟོག་དུས་མཉམ་པས།། འདོད་ཁམས་ལྟར་ནི་སྐྱེ་དབང་ཡོད།། དེ་ཚེ
128a5 འཕོས་ནས་ཆོས་ཉིད་མཐོང་།། མི་གཡོ་བ་ཡི་ཏིང་འཛིན་གྱིས།། རྣམ་རྟོག་དེ་ཉིད་ཟིལ་ནོན་པས།། གཙང་མ་རིས་ཀྱི་ལྷར་སྐྱེས་ནས།། དེ་ཉིད་དུས་ན་མངོན་སངས་རྒྱས།། མཉམ་ཉིད་ལྡན་པའི་ཏིང་འཛིན
128a6 གྱིས།། ལུས་བྲལ་སྐད་ཅིག་དེ་ཉིད་ལ།། འབྲས་བུ་སངས་རྒྱས་ཆོས་ཀྱི་སྐུ།། དེ་ཡང་དཔེ་མེད་ཀུན་བཟང་ཐུགས།། དེ་ཡང་འཁོར་གྱི་སྙིང་པོ་ཉོན།། མཉམ་པའི་དོན་ལ་ཡེ་གནས་པས།། འབྲས་བུའི་རིག་པ་ད་ལྟ
iiif viewer powered by OpenSeadragon
