| e-texts navigator |
| Wylie |
127b1 བར།། རྩོལ་བ་མེད་པའི་བརྩོན་འགྲུས་ཀྱིས།། ངེས་པའི་དོན་དང་མཐུན་པར་སྤྱད།། དེ་ཡང་རྡོ་རྗེ་སེམས་དཔའ་ཉོན།། མཐུན་འཇུག་ཐབས་ཀྱི་སྤྱོད་པ་ཡང་།། ཡེ་ཤེས་སྙིང་རྗེ་ཆེན་པོ་ཡིས།། མ་རིག་ལོག་པའི
127b2 སེམས་ཅན་ལ།། བསམ་པ་བཟང་པོའི་ངེས་དོན་གྱིས།། རང་གི་ཏིང་འཛིན་མ་ཉམས་པར།། སེམས་ཅན་ཀུན་ལ་ཕན་དོན་དུ།། མདོ་རྒུད་སྨོན་ལམ་རྒྱ་ཆེར་གདབ།། སྒྲིབ་སྦྱོང་ཚོགས་བསགས་སྣ་ཚོགས་བྱ།། གཞན
127b3 དག་དགེ་ལ་གཟུད་པ་དང་།། ཐེག་དམན་སྐུར་པ་སྤང་བའི་ཕྱིར།། དགེ་སྡིག་ཤན་ཐང་ཕྱེད་པར་བྱ།། དངོས་པོར་མི་བྱ་ལྟ་བས་གཟུང་།། མི་དམིགས་གསང་བར་རྒུད་དུ་སྤྱད།། དེ་ཡང་འདུས་པའི་སྙིང་པོ་ཉོན།། སྒོ
127b4 གསུམ་རྣལ་འབྱོར་སྤྱོད་པ་ཡང་།། བདེ་སྡུག་ན་ཚ་སྣ་ཚོགས་དང་།། གཞན་གྱི་ནོར་འཕྲོག་བརྡེག་པ་དང་།། གཤེ་སྦྱོ་མཚང་འབྲུ་ལ་སོགས་པར།། གཉེན་པོའི་གདམས་ངག་དྲན་བྱས་ལ།། ཉོན་མོངས་དབང་དུ་མི
127b5 གཏང་བར།། ལས་ངན་བག་ཆགས་ཡིན་བསམ་ལ།། ཆོས་སྐུ་དྲན་པ་བརྗེད་མི་བྱ།། དེ་ཡང་རྡོ་རྗེ་སེམས་དཔའ་ཉོན།། དོན་དམ་རིག་པའི་རྣལ་འབྱོར་པས།། གཞན་གྱི་སྐྱོན་དང་ཡོན་ཏན་ལ།། སྨད་བསྟོད་མི་བྱ
127b6 བཏང་སྙོམས་གཞག། འཇིག་རྟེན་བྲེ་མོའི་གཏམ་རྣམས་ལ།། འདུ་འཛི་འཕྱར་གཡེང་ཅི་ཆུང་འབད།། ང་རྒྱལ་ཁེངས་བསྐྱུངས་ཤེས་འཕང་སྨད།། དུས་རྣམས་ཀུན་ཏུ་ཞི་བར་བྱ།། ཆེ་ཚིག་རང་བསྟོད་མི་བྱ་བར།། བག
iiif viewer powered by OpenSeadragon
