| e-texts navigator |
| Wylie |
127a1 འབྱུང་སྟེ།། རྒྱན་པོ་རྒྱལ་བའི་དཔེ་བཞིན་དུ།། དགེ་སློང་རྐྱེན་གྱིས་རང་སེམས་རྟོགས།། དེ་ཉིད་དུས་སུ་མངོན་སངས་རྒྱས།། གཞན་ལ་ཕྲག་དོག་ལས་བྱས་ཀྱང་།། ལྷ་མིན་འཐབ་བརྩོད་ལས་མི
127a2 འབྱུང་།། དབང་ཕྱུག་འཁོར་བཅས་དཔེ་བཞིན་དུ།། བྲིད་བསྡིགས་རྐྱེན་གྱིས་རང་བྱུང་ངོ་།། དེ་ཉིད་དུས་ན་མངོན་སངས་རྒྱས།། དེ་ཡང་རྡོ་རྗེ་སེམས་དཔའ་ཉོན།། སེམས་ཅན་ལོག་རྟོག་ཆེན་པོ་ཆེ།། གཞན་གྱི་རྐྱེན
127a3 གྱིས་མི་བཟློག་ཕྱིར།། དུག་ལྔ་རང་ལ་བརྟེན་ཏེ་བཟློག། མཐུན་པར་བསྟན་པས་ངེས་པར་བཟློག། ངེས་དོན་རྟོགས་པའི་རྣལ་འབྱོར་པས།། དུག་ལྔ་སྤྱད་ཀྱང་རང་གྲོལ་བ།། ཐ་མལ་པ་ཡང་དེ་འདྲ་ན།། སྦྱངས་པའི
127a4 འཕྲོ་ཅན་སྨོས་ཅི་དགོས།། རྫོགས་པ་ཆེན་པོ་དོན་འདུས་རང་བྱུང་བདེ་བའི་འཁོར་ལོའི་རྒུད་ལས། དུག་ལྔ་རང་གྲོལ་དུ་བསྟན་པའི་ལེའུ་སྟེ་ཉི་ཤུ་རྩ་དགུ་པའོ།། །། དེ་ནས་ཀུན་རིག་རྒྱལ་པོ་ཡིས།། མཐུན
127a5 འཇུག་ཐབས་ཀྱི་སྤྱོད་པའི་དོན།། འདུས་པའི་འཁོར་ལ་བཀའ་སྩལ་པ།། ཐེག་དམན་རྣམས་དང་སྒོ་བསྟུན་ཕྱིར།། ཤེས་རབ་རིག་པའི་སྤྱོད་པ་དང་།། སྙིང་རྗེ་ཐབས་ཀྱི་སྤྱོད་པ་དང་།། ལུས་ངག་མཐུན་འཇུག་སྤྱོད་པ
127a6 བྱ།། དེ་ཡང་འདུས་པའི་སྙིང་པོ་ཉོན།། དེ་རྟོགས་ཤེས་རབ་སྤྱོད་པ་ནི།། ཕྱི་ནང་དངོས་པོ་ཅིར་མཐོང་ཡང་།། འཁྲུལ་པ་ཡིན་པར་ཡིད་ཆེས་པས།། དམ་པར་མི་བལྟ་དྲན་པའི་གཟུངས།། ཅི་གོམས་ལས་སུ་རུང་བའི
iiif viewer powered by OpenSeadragon
