| e-texts navigator |
| Wylie |
126b1 ལྔ་རང་གྲོལ་བཀའ་སྩལ་པ།། རང་སེམས་དོན་རྟོགས་སྤྱོད་པ་ཡང་།། འདོད་ཆགས་ཞེ་སྡང་གཏི་མུག་དང་།། ང་རྒྱལ་ཕྲག་དོག་འཁོར་བ་དེ།། ངེས་པའི་གདེངས་ལྡན་རྣལ་འབྱོར་པས།། རྒྱུ་མཐུན་བག་ཆགས་མི
126b2 གསོག་གོ།། དེ་ཡང་རྡོ་རྗེ་སེམས་དཔའ་ཉོན།། ཕོ་མོ་དུས་གསུམ་སྦྱར་གྱུར་ཀྱང་།། རོ་མྱགས་འདམ་དུ་མི་སྐྱེ་སྟེ།། ཀུ་མཱ་ར་ཡི་དཔེ་བཞིན་དུ།། ལུང་ལྡན་འདོད་ཆགས་ཅི་སྤྱད་ཀྱང་།། དེ་ཉིད་དུས་ན་རང་གྲོལ
126b3 ནས།། འབྲས་བུ་མི་འབྱུང་མངོན་སངས་རྒྱས།། ཕྱི་རོལ་མི་ཡི་ཟས་ནོར་ལ།། རྐུ་འཕྲོག་སྣ་ཚོགས་བྱས་གྱུར་ཀྱང་།། ཡི་དྭགས་གནས་སུ་མི་སྐྱེ་སྟེ།། འཇོམས་བྱེད་འཕྲེང་བའི་དཔེ་བཞིན་དུ།། ངེས་དོན་རྐྱེན་ཕྲད་དུས
126b4 དེ་རུ།། མངོན་པར་བྱང་ཆུབ་འབྲས་བུ་ཐོབ།། དེ་ཡང་འདུས་པའི་སྙིང་པོ་ཉོན།། འགྲོ་དྲུག་སེམས་ཅན་མ་ལུས་པ།། ཞེ་སྡང་མནར་སེམས་སྲོག་བཅད་ཀྱང་།། དམྱལ་བའི་སྡུག་བསྔལ་ཡ་མི་ང་།། རྒྱལ་པོ་གཏུམ་པོའི
126b5 དཔེ་བཞིན་དུ།། གདམས་ངག་ངེས་པའི་དོན་གོ་ཕྱིར།། སྐྱེ་འཆི་མེད་པར་མངོན་སངས་རྒྱས།། མ་རིག་འཁྲུལ་པའི་བག་ཆགས་ཀྱིས།། གཏི་མུག་མུན་པ་འཐིབས་པ་ཡིས།། བྱོལ་སོང་གནས་སུ་མི་སྐྱེས་སྟེ།། ཆུ་ནས
126b6 བཏོན་པའི་མི་ངན་བཞིན།། ལས་ངན་རྐྱེན་གྱིས་རང་སེམས་རྟོགས།། གཞན་གྱིས་མཐོང་བར་མངོན་སངས་རྒྱས།། དེ་ཡང་འདུས་པའི་སྙིང་པོ་ཉོན།། ང་རྒྱལ་ལས་ངན་བསྐྱེད་གྱུར་ཀྱང་།། ལྷ་མིའི་སྡུག་བསྔལ་མི
iiif viewer powered by OpenSeadragon
