| e-texts navigator |
| Wylie |
126a1 མཆོག། ཐབས་ཀྱི་སྤྱོད་པ་མཐུན་འཇུག་སྟེ།། དགེ་བཅུ་ཆོས་སྤྱོད་ལུས་ངག་ལས།། གཞན་དག་དགེ་ལ་གཟུད་པའི་ཕྱིར།། རྟོགས་ལྡན་རྣམས་ཀྱིས་ཆེད་དུ་བྱ།། དེ་ཡང་འདུས་པའི་སྙིང་པོ་ཉོན།། ཤེས
126a2 རབ་ཐབས་ཀྱི་སྤྱོད་པ་ཡང་།། རིག་སྤྱོད་ལྟ་བ་དྲན་པའི་གཟུངས།། ཡུལ་མེད་ཕྱིར་ན་སྐྱོན་དང་བྲལ།། མངོན་རྟག་འཛིན་མེད་རྒྱུན་དུ་སྤྱད།། ལྟ་བས་ཟིན་པའི་ཆོས་སྤྱོད་རྣམས།། ཡེ་ཤེས་རྫོགས་ཆེན་ཆོས་ཀྱི
126a3 སྐུ།། རྣལ་འབྱོར་རིག་པའི་དོན་ལྡན་ལ།། ད་ལྟ་ཉིད་དུ་རྫོགས་པར་གསུངས།། དེ་ཡང་འདུས་པའི་སྙིང་པོ་ཉོན།། རྒྱུན་དུ་མི་འབྲལ་རང་རིག་འདི།། ཉམས་མྱོང་མེད་པར་རང་གསལ་བ།། དེ་ཉིད་ཉམས་ཀྱི་དམ་པའི
126a4 མཆོག། མི་འཛིན་མི་སྤྱོད་རང་གསལ་ཙམ།། འབྲལ་མེད་རྒྱུན་གྱི་སྤྱོད་པར་བཤད།། གལ་ཏེ་མཚན་མ་རྒྱུ་ན་ཡང་།། དོན་དྲན་དགག་སྒྲུབ་མེད་ཤེས་པས།། སངས་རྒྱས་ལྟ་སྒོམ་ངོ་བོར་གཅིག། རྣལ
126a5 འབྱོར་སྤྱོད་ལམ་ཐམས་ཅད་དུ།། དོན་དྲན་སྤྱོད་པ་ཡིན་པའི་ཕྱིར།། མ་དྲན་གཉིད་དང་ཉོན་མོངས་པ།། རང་དགར་སོང་ཚེ་དེ་ཉིད་ལ།། ངོ་བོ་ཉིད་དྲན་གནོད་མི་ནུས།། དེ་ལྟ་ཉིད་ནི་ཡིན་ཤེས་ཕྱིར།། ཆེད་དུ་བྱས
126a6 ལ་སྤྱོད་དུ་མེད།། རྫོགས་པ་ཆེན་པོ་དོན་འདུས་རང་བྱུང་བདེ་བའི་འཁོར་ལོའི་རྒྱུད་ལས། འབྲལ་མེད་རྒྱུན་གྱི་སྤྱོད་པ་བསྟན་པའི་ལེའུ་སྟེ་ཉི་ཤུ་རྩ་བརྒྱད་པའོ།། །། དེ་ནས་འདུས་པའི་འཁོར་རྣམས་ལ།། དུག
iiif viewer powered by OpenSeadragon
