| e-texts navigator |
| Wylie |
125b1 བྲལ་ནམ་མཁའ་ཆེ།། དེ་ཡང་འདུས་པའི་སྙིང་པོ་ཉོན།། མ་བཅོས་རང་བྱུང་དེ་བཞིན་ཉིད།། སྤྱད་དུ་མེད་པའི་ཆོས་ཉིད་ལ།། མ་བསྒོམས་དམིགས་སུ་མེད་པ་སྟེ།། ཏིང་ངེ་འཛིན་ཞེས་བཏགས་པ་ཙམ།། མ་རྟོགས
125b2 པར་ཡང་མི་སེམས་པར། ཀུན་ལ་ཁྱབ་པ་ཡེ་ཤེས་ལ།། ཀུན་ཤོང་བྱར་མེད་སྤྱོད་པའི་མཆོག། དེ་ཡང་རྡོ་རྗེ་སེམས་དཔའ་ཉོན།། རང་གི་ངོ་བོ་ཉིད་རྟོགས་ཕྱིར།། ཡུལ་འདི་སེམས་སུ་མི་སྡུད་པས།། སྤྱད་པའི་ཡུལ་ཡང
125b3 མེད་པར་འགྱུར།། གང་གིས་གང་ལ་བསམ་ཞིང་དཔྱད།། དཔེར་ན་ནམ་མཁའ་སྟོང་པ་ལ།། དམིགས་པར་མི་བྱེད་སྡུད་མི་བྱེད།། དེ་བཞིན་སེམས་ཀྱིས་སེམས་བསྒོམ་དུ།། ངོ་བོ་འདི་འདྲ་དམིགས་སུ་མེད།། སྐྱོན
125b4 ཡོད་གང་ཡང་མ་དཔྱད་ན།། གོལ་དང་སྒྲིབ་པར་ཅི་ལ་འགྱུར།། སྤྱོད་པའི་མཆོག་ཏུ་འདི་ཉིད་གསུངས།། དེ་ཡང་རྡོ་རྗེ་སེམས་དཔའ་ཉོན།། ཡང་དག་རྟོགས་པའི་རིག་སྤྱོད་ནི།། འགྲོ་འཆག་འདུག་དང་ཉལ་ལ
125b5 སོགས།། རྐྱེན་ཐུབ་དྲུག་གི་གདམས་ངག་གིས།། དུས་དང་རྣམ་པ་ཐམས་ཅད་དུ།། རང་བྱུང་རིག་པའི་ཡེ་ཤེས་སྤྱོད།། ད་ལྟའི་ལུས་བཅས་རིག་པའི་རྒྱུན།། མ་བརྗེད་རྟག་ཏུ་དོན་དྲན་ན།། བྱ་བ་མེད་པའི་སྤྱོད་པ
125b6 སྟེ།། ངང་ངམ་ཤུགས་ལ་རྒྱུད་དུ་སྤྱད།། དེ་ཡང་རྡོ་རྗེ་སེམས་དཔའ་ཉོན།། ཤེས་རབ་སྤྱོད་པ་ལྟ་བའི་གཟུངས།། ལུས་ངག་ལས་ཀྱི་བྱ་བ་རྣམས།། གང་ཡང་མི་འགལ་དོན་དྲན་ཕྱིར།། དགག་སྒྲུབ་མེད་ཤེས་སྤྱོད་པའི
iiif viewer powered by OpenSeadragon
