| e-texts navigator |
| Wylie |
125a1 རིག་པའི་རྒྱུན།། དུས་གསུམ་མི་འགྱུར་རྒྱལ་བའི་ཐུགས།། རང་གསལ་རིག་པ་ཆོས་སྐུ་ལ།། བཅོས་ཐབས་གཉེན་པོ་མི་དགོས་ཕྱིར།། ཆེད་དུ་གཏད་ལ་བསྒོམ་མི་དགོས།། དེ་ཕྱིར་འབྲལ་མེད་ཏིང
125a2 འཛིན་མཆོག། ཡང་དག་ཆོས་ཉིད་ཞེས་བྱ་བ།། སེམས་ཅན་རིག་པའི་དོན་ཤེས་ན།། དེ་ཉིད་རྒྱལ་བའི་དགོངས་པ་སྟེ།། དེ་ལས་གཞན་དུ་བཙལ་དུ་མེད།། དེ་ཡང་རྡོ་རྗེ་སེམས་དཔའ་ཉོན།། ལན་གཅིག་དུས་ཀྱི་དེང
125a3 སང་ན།། གདམས་ངག་མེད་པར་བསྒོམ་ཚུལ་སྟོན།། དོན་དང་མཐུན་པའི་ཉམས་མེད་ཕྱིར།། ལུང་ལྡན་རྣམས་ལ་སྒྲོ་སྐུར་འདེབས།། དེ་ཕྱིར་ངེས་དོན་གསང་བ་གཅེས།། རྫོགས་པ་ཆེན་པོ་དོན་འདུས་རང་བྱུང
125a4 བདེ་བའི་འཁོར་ལོའི་རྒྱུད་ལས། འབྲལ་མེད་རྒྱུན་གྱི་ཏིང་ངེ་འཛིན་བསྟན་པའི་ལེའུ་སྟེ་ཉི་ཤུ་རྩ་བདུན་པའོ།། །། དེ་ནས་ཀུན་རིག་རྒྱལ་པོ་དེས།། འབྲལ་མེད་རིག་སྤྱོད་བཀའ་སྩལ་པ།། རང་བྱུང་ཡེ་ཤེས་ནམ
125a5 མཁའ་ཆེ།། མ་འདྲེས་ལོངས་རྫོགས་ཆོས་ཀྱི་སྐུ།། མི་སྐྱེས་མི་འགག་རྒྱུན་དུ་སྤྱོད།། དེ་ཡང་རྡོ་རྗེ་སེམས་དཔའ་ཉོན།། བསམ་འདས་དོན་གསལ་ཡིད་ལ་གནས།། གསང་སྔགས་ངོ་བོ་ཉིད་ཀྱི་སྐུ།། སངས་རྒྱས་སེམས
125a6 ཅན་གཉིས་ཀྱི་གསང་།། རང་གསལ་དམ་པའི་སྙིང་པོ་འདི།། སངས་རྒྱས་ཀུན་གྱི་ངེས་པའི་དོན།། ཡང་དག་བྱང་ཆུབ་སེམས་ལ་ནི། མི་དམིགས་པ་ཡང་སྤྱད་དུ་མེད།། མི་གནས་པར་ཡང་བསམ་དུ་མེད།། དེ་ཕྱིར་བྱ།
iiif viewer powered by OpenSeadragon
