| e-texts navigator |
| Wylie |
124b1 གྱིས་དུས་འདིར་བརླག། དེ་ཕྱིར་རང་བྱུང་རྟོགས་པའི་རྩལ།། ཐ་མལ་ལུས་ལ་རྒྱལ་བའི་ཐུགས།། ཀུན་འབྱུང་རིན་ཆེན་གཏེར་ཆེན་འདི།། དད་ལྡན་སེམས་ལ་གསལ་བའི་ཕྱིར།། བསྒྱུར་དུ་མི་འདོད་ཡིད་ཆེས
124b2 བློས།། རྟག་ཏུ་འབྲལ་མེད་ཡེ་ཤེས་གསལ།། དེ་ཕྱིར་ལུང་ལྡན་དགོངས་པ་འདི།། ཕྱི་མ་མ་ཡིན་དུས་འདི་རང་།། ད་ལྟ་ཉིད་དུ་ཡིན་ཤེས་ན།། རྟོགས་པ་མངོན་གྱུར་སངས་རྒྱས་ཡིན།། ཆོས་སྐུ་ཡང་དག་བྱ་བ
124b3 ནི།། ཀུན་གཞིའི་ནང་ན་རང་རིག་གསལ།། དེ་ཉིད་ཡོད་པར་ངོ་ཤེས་ཕྱིར།། དམན་པའི་ལུས་ལ་ཡེ་ཤེས་ཐུགས།། དེ་ཡང་འདུས་པའི་སྙིང་པོ་ཉོན།། ད་ལྟའི་ཤེས་པ་འདི་ཉིད་ལ།། ངོས་གཟུང་མེད་པར་རང་ལུགས
124b4 སུ།། དེ་ཉིད་མ་བཅོས་རང་གསལ་བ།། ཀུན་བཟང་རྒྱལ་བའི་དགོངས་པ་ཡིན།། རང་རིག་ཡེ་གནས་བསྒོམ་པ་ནི།། མ་བྲལ་མ་བྱིང་ཤེས་པ་ལ།། དོན་གསལ་ཡིད་ལ་མི་རྟོགས་པས།། རྒྱུན་དུ་མི་འབྲལ་ཡེ་ཤེས
124b5 སྐུསྒྲ།། ཡུལ་འདི་གཞི་ལ་མེད་ཤེས་ཕྱིར།། ཡང་དག་ལྟ་བ་བལྟ་རུ་མེད།། དེ་ཕྱིར་བསྒོམ་པའི་ཡུལ་ལས་འདས།། དེ་ཉིད་རང་བྱུང་བྱང་ཆུབ་སེམས།། སྣང་མེད་རིག་པའི་བལྟ་བ་ལ།། བརྗེད་མེད་ཡེ་ཤེས་རྒྱུན་མི
124b6 འཆད།། དེ་ཕྱིར་འབྲལ་མེད་སྤྱོད་པའི་གཟུངས།། འབྲས་བུའི་ཆོས་སྐུ་ད་ལྟ་རྟོགས།། དེ་ཡང་འདུས་པའི་སྙིང་པོ་ཉོན།། འགྱུར་མེད་ཏིང་འཛིན་ད་ལྟའི་སེམས།། རང་བྱུང་ཡིན་ཕྱིར་རྒྱུ་རྐྱེན་མེད།། འདུས་མ་བྱས་ཕྱིར
iiif viewer powered by OpenSeadragon
