| e-texts navigator |
| Wylie |
124a1 ལྟར།། རང་རིག་ལྟ་བའི་དོན་ཡོད་པས།། དུག་ལྔ་སྤྱོད་ཚེ་ཡེ་ཤེས་འཆར།། ངོ་བོ་ཉིད་ལས་བསྒྲུབ་མེད་ཤེས།། དེ་ཚེ་ཉོན་མོངས་ཅི་སྤྱད་ཀྱང་།། སྐྱོན་གྱིས་མི་གོས་རང་བྱུང་འཆར།། དེ་ཉིད་མི་བརྗེད
124a2 རྟོགས་པའི་ཕྱིར།། ཆེད་དུ་བྱས་ལ་བསྒོམ་མི་དགོས།། དེ་ཡང་རྡོ་རྗེ་སེམས་དཔའ་ཉོན།། རང་སེམས་རྟོགས་པའི་བསྒོམས་པ་ལ།། ཅིག་ཆར་བསྟུན་ཏེ་འཇུག་ནུས་ན། བསྒོམ་པའི་ཐུན་ལ་རིང་ཟུང་མེད།། ནམ་འགྲུབ
124a3 སྙམ་པའི་ཁར་མ་ལུས།། དེ་ཡང་འདུས་པའི་སྙིང་པོ་ཉོན།། སངས་རྒྱས་དགོངས་པ་ཇི་ལྟ་བ།། ད་ལྟ་ཉིད་དུ་བླང་བའི་ཕྱིར།། རང་སེམས་ཀུན་གཞི་གཞི་ཡི་དོན།། ཡང་དག་ཉིད་དུ་ངོས་ཟིན་པས།། རང་བྱུང་ཆོས་སྐུ
124a4 རྒྱལ་བའི་ཐུགས།། སེམས་ཅན་བློ་ཡིས་གོ་བའི་ཕྱིར།། མ་རིག་སངས་པས་གཏི་མུག་བྲལ།། དེ་ཕྱིར་ཚེགས་མེད་རྒྱལ་བའི་བཀའ།། དེ་རྒྱུད་ལུང་ལྡན་སྒྲོན་མ་འདི།། དད་ལྡན་བློ་ལ་ཤར་བའི་ཕྱིར།། ཡིད་ཆེས་གདེང
124a5 དང་བྲལ་མེད་པས།། བྱང་ཆུབ་ཆོས་སྐུ་ཐག་མི་རིང་།། མ་ནོར་སངས་རྒྱས་ཆོས་ཉིད་དུ།། ད་ལྟ་ཉིད་དུ་ངེས་པར་ཤེས།། དེ་ཕྱིར་འཁོར་བ་མིང་ཡང་མེད།། བླ་མེད་བྱང་ཆུབ་སྨོས་ཅི་དགོས།། དུས་གསུམ་སངས་རྒྱས
124a6 ངེས་པའི་དོན།། བསྟན་པ་ཙམ་གྱིས་རྟོགས་པའི་ཆོས།། དུས་འདིར་ཡིད་ཆེས་གདེང་དུ་འགྱུར།། རིག་འཛིན་ཀུན་དང་ད་ལྟ་མཉམ།། དེ་ཡང་རྡོ་རྗེ་སེམས་དཔའ་ཉོན།། སེམས་ཅན་མ་རིག་གློ་བུར་དེ།། ལུང་ལྡན་རྐྱེན
iiif viewer powered by OpenSeadragon
