| e-texts navigator |
| Wylie |
123b1 པས་མ་རིག་སངས།། དོན་ཉིད་ཡེ་ཤེས་དྲན་པ་ཡིན།། ཉོན་མོངས་ལས་ཀྱིས་གོས་པ་མེད།། དེ་བས་གདམས་ངག་དྲན་པས་ནི།། སྒྱུ་མ་སངས་ནས་འཁྲུལ་བྲལ་བཞིན།། མཚན་མའི་རྟོག་བྲལ་དོན་ཤེས་པས།། སྤྲོས
123b2 བྲལ་ཡེ་ཤེས་སྙིང་པོར་གནས།། དེ་ཡང་འདུས་པའི་སྙིང་པོ་ཉོན།། འཁོར་འདས་གཞི་ཤེས་རང་བྱུང་དེ།། བསྒོམ་དང་མི་བསྒོམ་སྒྲོ་སྐུར་བྲལ།། དེ་ཉིད་ཉམས་སུ་བླངས་ཐབས་ནི།། ཐིགས་པས་སྣོད་ཆེན་ཁེངས་པ
123b3 བཞིན།། ངོ་བོ་ཉིད་ཀྱི་ཆོས་སྐུ་ལ།། ཡང་ཡང་རིག་པས་གསལ་ཐེབས་ན།། གོལ་ས་མི་འབྱུང་སངས་རྒྱས་འགྲུབ།། དཔེར་ན་བུད་མེད་སྦྲུམ་མ་ནི།། སྐྱེ་བའི་དུས་སུ་ཟས་བསྟན་བཞིན།། ལུང་ལྡན་གདམས་ངག་ཡོད
123b4 པའི་མིས།། རྐྱེན་གྱི་རྟོག་པ་ཅི་བྱུང་ཡང་།། དེ་དུས་ངེས་དོན་ལྟ་དྲན་པས།། མ་བསྒོམས་དོན་དང་འབྲལ་བ་མེད།། རྒས་པས་ཉམ་ཆུང་བསྟེན་པ་བཞིན།། བླ་མ་མཁས་པ་དོན་ལྡན་ལ།། རྟག་ཏུ་བསྙེན་ཅིང་གུས་བྱས
123b5 ན།། འབྲས་བུ་ཆོས་སྐུ་མྱུར་དུ་སྟོན།། དེ་ཡང་རྡོ་རྗེ་སེམས་དཔའ་ཉོན།། ངེས་པའི་དོན་གྱི་གདེངས་ལྡན་ཡང་།། དུས་དྲུག་རྐྱེན་ཐུབ་བར་དུ་ནི།། འཁོར་འདས་ཡུལ་གྱིས་མི་བསླད་ཕྱིར།། ཡེ་ཡིན་དོན་ལ་བརྗེད་མི
123b6 བྱ།། རྒྱལ་པོ་མི་འགྲོ་འཁོར་སྡུད་བཞིན།། ཆོས་ཉིད་མ་བསྒོམས་སྐུ་གསུམ་འབྱུང་།། ཆེ་བའི་ཡོན་ཏན་ལྷུན་གྱིས་གྲུབ།། དཔེར་ན་སྒྱུ་མ་མཁས་པ་ཡིས།། སྤྲུལ་པའི་སྲོག་ནི་གཅོད་ཙམ་ན།། སྲོག་མེད་སྒྱུ་མ་ཡིན་ཤེས
iiif viewer powered by OpenSeadragon
