| e-texts navigator |
| Wylie |
123a1 ཆུད།། དེ་ཡང་རྡོ་རྗེ་སེམས་དཔའ་ཉོན།། དེ་ཚེ་ཉམས་ཀྱི་རིམ་པ་ཡང་།། ཡིད་ཀྱི་འགྱུ་བ་རྒྱུན་ཆད་དེ།། ཞེན་པའི་སྣང་བ་དང་བྲལ་ནས།། ནམ་ལངས་པ་ཡི་ནམ་མཁའ་བཞིན།། འཛིན་མེད་ཡེ་ཤེས
123a2 རང་ལ་གསལ།། ཉིན་དང་མཚན་མོ་དབྱེ་རུ་མེད།། རེས་འགའ་སྔ་ཕྱིར་རྒྱུན་ཡང་།། དོན་དྲན་ཆོས་སྐུར་ལྡན་གྱིས་འགྲོ།། རེས་རྒྱུ་གཉེན་པོའི་དོན་དྲན་པས།། འཁོར་བ་རང་སར་གྲོལ་ཞེས་བྱ།། དེ་ཕྱིར་ཉམས་ཀྱི
123a3 གདེང་དང་ལྡན།། དངོས་པོ་ཡུལ་དུ་རང་སྣང་ཡང་།། འཛིན་ཅིང་དམིགས་པ་མེད་པའི་ཕྱིར།། གནོད་རྒྱུ་ཉམ་ང་གང་ཡང་མེད།། སྣང་བ་མི་སྐྱོན་ཐོབ་པའི་གདེང་།། མདོར་ན་གང་རུང་ཅི་ལ་ཡང་།། མི་བརྟག་མི་གཟུང
123a4 མི་དཔྱད་པར།། གཟུགས་བརྙན་གཡོ་བ་ཡོད་གྱུར་ཀྱང་།། ཆུ་ལ་གཡོ་བ་མེད་བཞིན་ནོ།། དེ་ཡང་འདུས་པའི་སྙིང་པོ་ཉོན།། ད་ལྟར་ལས་སུ་རུང་བ་ལ།། བྱ་བཙལ་བྲལ་བའི་རྣལ་འབྱོར་པར།། རང་བཞིན་མ་བཅོས
123a5 ང་གིས་གསལ།། དེ་ལ་རྟག་ཏུ་འབྲལ་མེད་པར།། འོད་གསལ་ཆོས་ཉིད་མཐོང་ཞེས་བྱ།། རྫོགས་པ་ཆེན་པོ་དོན་འདུས་རང་བྱུང་བདེ་བའི་འཁོར་ལོའི་རྒྱུད་ལས། ཆོས་སྐུ་རྟོགས་པའི་ངང་ལ་གནས་ཐབས་བསྟན
123a6 པའི་ལེའུ་སྟེ་ཉི་ཤུ་རྩ་དྲུག་པའོ།། །། རྡོ་རྗེ་སེམས་དཔའ་ཡང་ཉོན་ཅིག། ངོས་ཟིན་དོན་ལ་གནས་ཐབས་ནི།། མར་མེས་མུན་སེལ་སྣང་བ་བཞིན།། སྐད་ཅིག་གཅིག་གི་ཏིང་འཛིན་གྱིས།། བག་ཆགས་བརླག
iiif viewer powered by OpenSeadragon
