| e-texts navigator |
| Wylie |
122b1 སྐུ་འདི།། ཡིད་ཀྱི་ཡུལ་དུ་མ་བསྒོམས་ཀྱང་།། ལྟ་བའི་དོན་དང་འབྲལ་མེད་ཕྱིར།། རྣལ་འབྱོར་སྤྱོད་པ་ཅི་བྱེད་ཀྱང་།། དེ་ཙམ་ཉིད་ན་འབྱུང་འཇུག་མེད།། རྫོགས་པ་ཆེན་པོ་དོན་འདུས་རང་བྱུང་བདེ་བའི་འཁོར
122b2 ལོའི་རྒྱུད་ལས། ཆོས་ཀྱི་སྐུའི་བསྒོམ་པ་ངོས་གཟུང་བ་བསྟན་པའི་ལེའུ་སྟེ་ཉི་ཤུ་རྩ་ལྔ་པའོ།། །། དེ་ནས་ཀུན་རིག་རྒྱལ་པོ་ཡིས།། རང་སེམས་གནས་ཐབས་བཀའ་སྩལ་པ།། སྙིང་པོ་ཆོས་སྐུ་བསྒོམ་པ་ལ།། སྐྱོན
122b3 བསལ་དང་ལ་གནས་ཐབས་ནི།། ཉམས་ཀྱི་འབྱུང་ལུགས་རིམ་པའི་དོན།། འདུས་པའི་འཁོར་ལ་ངས་བཤད་ཉོན།། ཏིང་འཛིན་མི་མཐུན་སྐྱོན་འབྱུང་བ།། བྱིང་རྒོད་ཞེན་འཛིན་བསྒོམ་པའི་དགྲ།། མདོར་ན་ཅི་ཡང
122b4 རུང་བ་ལ།། རང་རིག་སེམས་ཀྱིས་མྱོང་བ་འམ།། ཞེ་ལ་འཛིན་པའི་སྐྱོན་ཡིན་ནོ།། དེ་མེད་ངང་ལ་གནས་ཐབས་ནི།། ཡུལ་དང་སེམས་ཀྱི་ཆོས་རྣམས་ལ།། དང་པོར་ལྟ་བས་ངོས་ཟིན་ཕྱིར།། བརྟག་ཅིང་དཔྱད་དུ་མེད
122b5 རྟོགས་པས།། སྔ་ཕྱིའི་དྲན་པ་རྒྱུན་བཅད་ལ།། རིག་པའི་རང་བཞིན་ཇི་ལྟ་བ།། གསལ་ལ་མི་རྟོག་མི་གཡོ་བ།། གྱི་ན་བཏང་སྙོམས་ངང་དུ་གཞག། དེ་ཚེ་ཏིང་འཛིན་རིག་པའི་ཡུལ།། སྒོ་ལྔའི་ཡུལ་ལ་ཕར་མི
122b6 དཔྱད།། ཡིད་ཀྱིས་ཏིང་འཛིན་ཚུར་མི་འཛིན།། ཀུན་གཞི་མ་རིག་མུན་མེད་གསལ།། དེ་ཚེ་བྱུང་ཚོར་རང་ཞི་ནས།། ཆོས་སྐུ་སང་ངེ་རིག་པ་ལ།། མ་བཅོས་ཤེས་པའི་ངང་ལ་གཞག། དེར་བརྟན་ཏིང་འཛིན་གདེང་དུ
iiif viewer powered by OpenSeadragon
