| e-texts navigator |
| Wylie |
122a1 བ།། ཡིད་ལ་དོན་དྲན་འདུ་འབྲལ་མེད།། དེ་གོམས་ཀློང་དུ་གྱུར་པའི་ཕྱིར།། ཚིག་གི་ཐ་སྙད་མཚོན་མི་དགོས།། ཡེ་ཡིན་དོན་དུ་རང་རིག་པས།། རྒྱལ་བའི་དགོངས་པ་མ་ནོར་བ།། མ་བྱས་མ
122a2 བཅོས་ཐུགས་ཀྱི་གདེང་།། ད་ལྟ་ཉིད་དུ་རང་ཤར་རྟོགས།། ཆོས་ཉིད་རང་བྱུང་ཡེ་ཤེས་རྒྱུན།། མ་བསྒོམས་ཤུགས་ལ་དོན་གསལ་བ།། སེམས་ཀྱིས་བྱིན་འདའི་ངང་དུ་གཞག། དེ་ལས་མ་བཙལ་བསྒོམ་པའི
122a3 མཆོག། དེ་ཡང་འདུས་པའི་སྙིང་པོ་ཉོན།། ངེས་དོན་སྤྱོད་པའི་རྣལ་འབྱོར་པས།། བྱ་བའི་དངོས་པོ་གང་ལ་ཡང་།། ཆེད་དུ་མི་བརྟག་འདུ་ཤེས་བསྐྱུང་།། རུང་དང་མི་རུང་དོན་མི་དཔྱད།། འཇིག་རྟེན་ཡུལ་ཆོས་དབང
122a4 མི་བཏང་།། དེ་དོན་ཆོས་ཉིད་གདེང་གིས་ཟིན།། རྟག་ཏུ་མི་བརྗེད་གཟུངས་ཀྱིས་བལྟ།། དེ་ཡང་རྡོ་རྗེ་སེམས་དཔའ་ཉོན།། ཡུལ་ལ་ཤེས་པ་ཞིབ་གྱུར་ན།། རྟོག་པ་ཞུགས་པས་ཆོས་ཉིད་གཡེངས།། དེ་ཕྱིར་གང་ལ་མ
122a5 བརྟགས་ན།། སྣང་བ་ཆོས་ཀྱི་དབྱིངས་སུ་རྫོགས།། སངས་རྒྱས་ཆོས་སྐུ་ངེས་པའི་དོན།། སེམས་ཅན་ལུས་ཀྱི་བདེན་པ་མཐོང་།། རང་གི་རིག་པ་ལྷག་མཐོང་གསལ།། དེ་ཕྱིར་བདེ་ལྡན་དམ་པའི་ལམ།། དེ་ཡང་འཁོར
122a6 ཀྱི་སྙིང་པོ་ཉོན།། འབྲས་བུ་ཡེ་ནས་སངས་རྒྱས་པ།། ད་ལྟ་ཉིད་དུ་ངེས་པར་འགྲུབ།། དེ་ཕྱིར་རྒྱུད་དག་སངས་རྒྱས་ཡིན།། ས་དང་ལམ་གྱིས་བཅོས་སུ་མེད།། དེ་ཡང་འདུས་པའི་སྙིང་པོ་ཉོན།། རང་བྱུང་རིག་པའི་ཆོས
iiif viewer powered by OpenSeadragon
