| e-texts navigator |
| Wylie |
121a1 བཀའ་སྩལ་པ།། མ་བསྒོམས་འབྲལ་མེད་ཏིང་འཛིན་ནི།། རྣམ་སྨིན་ལུས་ཀྱི་རྟེན་བཅས་པའི།། ཐ་མལ་ཀུན་གཞི་གཞི་ཆ་ལ།། ལུང་ལྡན་རྐྱེན་གྱི་གདམས་ངག་གིས།། རང་སེམས་ཆོས་སྐུར་ངོ་སྤྱད
121a2 པས།། དམིགས་འཛིན་མེད་པར་ངང་གིས་གསལ།། གཉུག་མར་གནས་ལ་འཕེལ་འགྲིབ་མེད།། དེ་ཡང་རྡོ་རྗེ་སེམས་དཔའ་ཉོན།། བྱང་ཆུབ་ཐུགས་ཀྱི་ངེས་པའི་དོན།། སངས་རྒྱས་ཀུན་གྱི་ཡེ་ཤེས་སྐུ།། རྣལ་འབྱོར
121a3 ཤེས་རབ་ཡེ་ཤེས་མིག། རང་བྱུང་ཏིང་འཛིན་རྒྱུན་མི་འཆད།། ཆོས་སྐུ་རང་བྱུང་ངོས་ཟིན་པས།། རང་གསལ་ཡེ་ནས་བྱང་ཆུབ་ལམ།། དེ་ལས་མི་འདའ་རྒྱལ་བའི་ཐུགས།། དེ་དོན་སངས་རྒྱས་དགོངས་པ་ཡིན།། དེ
121a4 ཡང་འདུས་པའི་སྙིང་པོ་ཉོན།། སྔར་གྱི་བག་ཆགས་ཞེས་བྱ་བ།། གཟུང་འཛིན་བརྟས་པའི་སྣང་བ་ལ།། དམ་པར་ཞེན་པས་ཀུན་ཏུ་བརྟགས།། དེ་ཕྱིར་འཁོར་བའི་ས་བོན་ཡིན།། ཕྱིས་ཀྱི་ཉོན་མོངས་ཞེས་བྱ་བ།། མ
121a5 རིག་རྒྱུལ་ཏུར་བྱུང་སེམས།། དེ་བལྟས་ཀུན་གཞི་སྨིན་པའི་ལས།། དེས་བསྐྱེད་ཚོགས་བརྒྱད་བདེ་སྡུག་བྱུང་།། སྔ་ཕྱི་གཉིས་འདུས་སྒོ་ལྔའི་ཡུལ།། སྣ་ཚོགས་འཕྲོས་པས་རྟོག་པ་སྟེ།། དེ་ལ་ཞེན་ཕྱིར་ཚོགས་བརྒྱད
121a6 བྱུང་།། དེ་ཡི་ཉེས་པས་འཁོར་བར་སྨིན།། དེ་ཡང་རྡོ་རྗེ་སེམས་དཔའ་ཉོན།། ལུང་ལྡན་རྐྱེན་གྱིས་ཆོས་ཀྱི་སྐུ།། རང་རིག་སེམས་ཀྱི་མུན་གསེབ་ནས།། ངོ་ཤེས་རང་གི་མཚན་ཉིད་ནི།། ཡུལ་སེམས་གཉིས་ལ་སྤྲོས་དང
iiif viewer powered by OpenSeadragon
