| e-texts navigator |
| Wylie |
11b1 མེད་པར་ཡིད་ཆེས་པས།། ཡུལ་ལ་མི་ལྟོས་དོན་གོའི་ཕྱིར།། དགོས་དོན་གཞི་ཉིད་ཡེ་ནས་བདེན།། ངོ་བོ་ཉིད་ཀྱི་ལྟ་བ་དེ།། རྟོགས་མ་རྟོགས་ཀྱི་ཁྱད་པར་ལས།། འཁོར་འདས་གཉིས་སུ་ཤར་བ་ཡི།། གང
11b2 ཡང་གཉིས་མེད་ཡིད་ཆེས་པས།། རིག་པ་ལྟ་བར་བཞག་པ་ཡིན།། ཆོས་ཉིད་རང་གི་མཚན་ཉིད་ནི།། མི་གཡོ་གསལ་བའི་ཏིང་འཛིན་གྱི།། འཁོར་འདས་གཉིས་ལ་རྩ་བ་གཅིག། དེ་ཕྱིར་མ་ཡེངས་བསྒོམ་པའི
11b3 མཆོག། ཡེ་ནས་རང་སེམས་འགྱུར་མེད་པས།། དེ་དང་མཐུན་པར་རྟོགས་པ་ཡིས།། འཁོར་འདས་མ་རིག་འབྲས་བུ་ལ།། རེ་དོགས་མེད་པར་ལྷུན་གྱིས་གྲུབ།། དེ་ཡང་འཁོར་གྱི་སྙིང་པོ་ཉོན།། ཆུ་ཉིད་རྐྱེན་གྱིས
11b4 འཆང་འགྱུར་ལྟར།། བླ་མའི་མན་ངག་དོན་སྟོབས་ཀྱིས།། ཅི་སྤྱོད་རང་བྱུང་ཤར་བ་ལས།། ཐོག་མ་མ་ཡིན་ཐ་མ་མིན།། ད་ལྟའི་ཤེས་པ་འདི་ཉིད་ལས།། བཟང་པོར་སོང་བ་གང་ཡང་མེད།། རྫོགས་པ་ཆེན་པོ་ལྟ་བའི
11b5 ཡང་སྙིང་། ནམ་མཁའ་ཀློང་ཡངས་ཀྱི་རྒྱུད་ལས། ཡིད་ཆེས་པའི་གཏན་ཚིགས་ཀྱི་ལེའུ་སྟེ་དྲུག་པའོ།། །། དེ་ནས་འདུས་པའི་ཚོགས་རྣམས་ལ། ཀུན་རིག་སེམས་ཀྱི་རྒྱལ་པོ་ཡིས།། དོན་གྱི་གནས་ལུགས
11b6 བཀའ་སྩལ་པ།། ཆོས་སྐུ་གཞན་དང་མ་འབྲེལ་ཕྱིར།། ཕྱི་ནང་སྣོད་བཅུད་ཀུན་གྱི་གོང་།། སངས་རྒྱས་སེམས་ཅན་གཉིས་པས་སྔ།། བལྟར་མེད་ངོ་བོ་ཀུན་གྱི་གཞི།། རང་བྱུང་སྙིང་པོ་ཆོས་སྐུ་དང་།། སངས་རྒྱས་རྣམས
iiif viewer powered by OpenSeadragon
