| e-texts navigator |
| Wylie |
11a1 རྒྱལ་པོ་ཡིས།། འདུས་པའི་འཁོར་ལ་བཀའ་སྩལ་པ།། འགྲོ་དྲུག་སེམས་ཅན་ཐམས་ཅད་ལ།། རང་སེམས་སྙིང་པོ་ཡེ་ཤེས་ནི།། རྟོགས་དང་མ་རྟོགས་མེད་པར་གནས།། དེ་ཡི་ཆོས་ཉིད་མཚོན་པའི
11a2 དཔེ།། བར་སྣང་རྐྱེན་གྱིས་མི་ཚུགས་ལྟར།། རང་སེམས་སྟོང་པའི་ཡེ་ཤེས་ནི།། སྔ་ཕྱི་མེད་པའི་ཆོས་སྐུ་ལ།། འཁོར་བའི་རྣམ་རྟོག་གཟུང་འཛིན་མེད།། ཁྱུང་ཕྲུག་སྒོ་ངར་གཤོག་རྒྱས་ལྟར།། རྣལ་འབྱོར་རང་སེམས
11a3 རྟོགས་པའི་མི།། མངལ་གྱི་སྒྲིབ་གཡོགས་མ་བྲལ་ཀྱང་།། རང་བྱུང་ཡེ་ཤེས་ཐུགས་ལ་གནས།། ཁུ་བྱུག་བྱ་བྲན་ཟིལ་གནོན་ལྟར།། ཆོས་སྐུ་སེམས་ལ་ངོས་ཟིན་པས།། ཐེག་བརྒྱད་གོལ་སྒྲིབ་ཟིལ་གྱིས་གནོན།། དེ
11a4 ཕྱིར་འཁོར་བ་མིང་ཡང་མེད།། སེང་ཕྲུག་མངལ་དུ་རྩལ་རྫོགས་ལྟར།། ལུང་ལྡན་གདམས་ངག་བསྟན་མ་ཐག། སྒྲིབ་གཉིས་མ་སྤངས་ཤུགས་ལ་དག། རྟོག་པ་མངོན་གྱུར་སངས་རྒྱས་ཡིན།། པདྨ་འདམ་གྱིས་མ་གོས
11a5 ལྟར།། དུག་ལྔའི་ནང་ནས་རང་བྱུང་གསལ།། ཉོན་མོངས་ཉིད་ཀྱང་རང་སར་གྲོལ།། ཡེ་ཤེས་དོན་ལ་འདུ་འབྲལ་མེད།། དངུལ་རྡོས་རང་ཆོས་མི་འགྱུར་ལྟར།། དང་པོ་ཤེས་བཞིན་ལུང་མ་བསྟན།། བར་དུ་ངེས་པའི
11a6 དོན་རྟོགས་པས།། ད་ལྷའི་ཤེས་པ་འདི་ཉིད་ལ།། ངེས་དོན་ཆོས་སྐུར་རང་གསལ་ཉིད།། དུས་གསུམ་མི་འགྱུར་ཡེ་ནས་གསལ།། དེ་ཡང་འདུས་པའི་སྙིང་པོ་ཉོན།། རང་བཞིན་གཞི་ཉིད་སྤྲོས་བྲལ་བས།། བརྗོད་དུ
iiif viewer powered by OpenSeadragon
