| e-texts navigator |
| Wylie |
119b1 ལ་མེད་ཤེས་བཅལ་མི་དགོས།། མ་བསྒོམས་འདུ་འབྲལ་མེད་པར་བལྟ།། རྫོགས་པ་ཆེན་པོ་དོན་འདུས་རང་བྱུང་བདེ་བའི་འཁོར་ལོའི་རྒྱུད་ལས། མ་རིག་མུན་སེལ་གྱི་ལྟ་བ་བསྟན་པའི་ལེའུ་སྟེ་ཉི་ཤུ་རྩ་གཉིས
119b2 པའོ།། །
119b3 དེ་ཡང་འདུས་པའི་འཁོར་རྣམས་ཉོན།། སངས་རྒྱས་སེམས་ཅན་འབྱུང་བ་ཀུན།། གློ་བུར་བྱུང་ཕྱིར་གནས་ལུགས་མིན།། འཇིག་རྟེན་ཆོས་ལ་དཔེ་མི་བླང་།། འཁོར་འདས་གཞི་ལ་དོན་མ་རེག། དེ་ཡང་རྡོ་རྗེ
119b4 སེམས་དཔའ་ཉོན།། ཕ་མེད་མ་མེད་ནགས་ཀྱི་བྱེའུ་འདྲ།། ནམ་མཁའི་མཐོངས་སུ་ཐོན་པ་ལྟར།། གློ་བུར་འཁོར་འདས་གཉིས་པར་ནས།། ཆོས་སྐུ་རྟོགས་པས་མ་རིག་སངས།། གདོད་མའི་རང་བྱུང་འདི་ཉིད་ལ།། ལྟ
119b5 བ་ཤེས་པས་ཆོག་པའི་ཕྱིར།། འཁོར་འདས་སྙིང་པོ་གདོད་ནས་མེད།། ཡུལ་དང་མ་འབྲེལ་ངོ་བོ་ཉིད།། དེ་དོན་རྟོགས་པའི་དོན་ལ་གནས།། ཡེ་རྫོགས་ཆོས་སྐུ་ཆེན་པོ་ཡིན།། རེ་དོགས་མཐའ་ཀུན་རྣམ་པར་ཞི།། ཚིག
119b6 ཏུ་འཛིན་མེད་ཡེ་ནས་བདེན།། གཅིག་དང་དུ་མ་མཐའ་ཡི་ཆོས།། དེ་ཕྱིར་འཁོར་འདས་གཉིས་ལས་འདས།། འདི་ཐོས་མི་སྐྲག་ལྟ་བའི་མཆོག། དེ་ཡང་འདུས་པའི་སྙིང་པོ་ཉོན།། དངོས་པོ་མེད་ཕྱིར་རྟག་པ་བྲལ།།
iiif viewer powered by OpenSeadragon
