| e-texts navigator |
| Wylie |
119a1 སྐུ་དེ།། རིག་པ་རང་ཤར་བཅོས་པ་མེད།། དེ་དོན་ལྷུན་གྲུབ་ཡེ་ནས་གསལ།། རང་བྱུང་སྙིང་པོ་རང་གསལ་ཐུགས།། ཡེ་ནས་ཐ་སྙད་ཀུན་དང་བྲལ།། ཇི་བཞིན་གསལ་ལ་ངན་རྟོག་མེད།། དོན་དམ
119a2 སྤྲོས་བྲལ་ལྟ་བའི་མཆོག། བཙལ་མེད་སྤྱོད་པའི་ཡུལ་ལས་འདས།། ཡང་དག་ཀློང་འགྱུར་དོན་ལ་མཁས།། དེ་ཉིད་བློ་ལ་སུས་འབྱོར་པ།། ཚོགས་བརྒྱད་ཤེས་པའི་ཡུལ་ལས་འདས།། མངོན་དུ་གྱུར་པས་ཐུགས་ལ
119a3 བཀྲ།། ཀུན་གྱིས་རྟོགས་དཀའ་བྱང་ཆུབ་དེ།། གཡོ་མེད་མི་རྟོག་ཆོས་སྐུའི་ལམ།། རང་རིག་བདེ་བ་ཆོས་སྐུའི་ཀློང་།། གཅིག་ཏུ་རྫོགས་པས་ཐིག་ལེ་གསལ།། ལྟ་བ་དབུས་དང་མཐའ་མེད་པས།། སྤོང་ལེན་མ
119a4 བཙལ་ལྷུན་གྱིས་གྲུབ།། སྐྱེ་མེད་དང་དུ་རིག་པ་འཕྱོ།། རྟེན་མེད་ཆགས་པའི་ཡུལ་དང་བྲལ།། སྒོམ་མེད་ལྟ་བ་ངང་གིས་གསལ།། མཚོན་པའི་ཚིག་གིས་བཀྲི་དྲང་བྲལ།། སྐྱེ་མེད་གདེང་ཆུད་འདུ་འབྲལ་མེད།། སྣང
119a5 མེད་རིག་པ་དངོས་པོ་བྲལ།། ཡང་དག་ཐུགས་ལ་སྤྲོ་བསྡུ་མེད།། མ་སྤྲོས་ལྷུན་གྲུབ་རིག་པ་ཤར།། ཀུན་ཁྱབ་དོན་འདུས་མཐའ་མ་རེག། ཡེ་ཤེས་སྐུ་མཆོག་ཆོས་སྐུ་བརྡལ།། དེ་ཡང་རྡོ་རྗེ་སེམས་དཔའ་ཉོན།། འགྲོ
119a6 དྲུག་སེམས་ཅན་རང་བྱུང་སྐུ།། འདི་ལྟར་སྣང་བ་མ་ལུས་ཀུན།། གདོད་ནས་མེད་པའི་དོན་རྟོགས་པས།། ཡེ་ཤེས་གཅིག་གི་ངང་དུ་འདུས།། ལུས་ངག་ཡིད་ཀྱི་བྱ་བ་རྣམས།། བྱས་ན་འཆིང་བའི་ལས་ཡིན་པས།། གཞི
iiif viewer powered by OpenSeadragon
