| e-texts navigator |
| Wylie |
117a1 གདེང་དུ་ལྡན།། དེ་རྟོགས་ཀུན་བཟང་བྱིན་རླབས་ཀྱིས།། རང་སེམས་རྟོགས་པའི་དབང་ཐོབ་ཤོག། འབྲལ་མེད་རང་གསལ་ཡེངས་པ་མེད།། རྒྱུན་དུ་ཉམས་མྱོང་ཞེན་མེད་པའི།། ཏིང་འཛིན་རིག་པ
117a2 ལྷག་མཐོང་གསལ།། རྐྱེན་དབང་མི་འགྱུར་དབང་ཐོབ་ཤོག། ཉམ་ང་མེད་པའི་སྤྱོད་པ་ཡིས། བླང་དོར་དགག་བསྒྲུབ་ལ་སོགས་མེད།། དེ་དོན་རྟག་ཏུ་སྐྱོན་མི་གོས།། སྤྱོད་པ་མ་བཅོས་དབང་ཐོབ་ཤོག། འབྲས་བུ
117a3 རང་རིག་ཆོས་ཉིད་ཀློང་།། མ་བགྲོད་སངས་རྒྱས་སར་ཕྱིན་པ།། ཆོས་སྐུའི་གཟུགས་བརྙན་གཟུགས་སྐུ་འབྱུང་།། འགྲོ་དོན་མཐར་ཕྱིན་དབང་ཐོབ་ཤོག། དེ་ནས་འདུས་པའི་དད་ལྡན་ལ།། ངེས་དོན་མཚོན་པའི་བརྡའ
117a4 ཡིག་དེ།། སྣོད་དུ་བླུགས་ཏེ་བྲིམ་བྱས་ནས།། གང་བབ་གདམས་ངག་བསྟན་པར་བྱ།། དེ་ཡང་རྡོ་རྗེ་སེམས་དཔའ་ཉོན།། དེ་དག་དབང་གི་རིམ་པ་ཡང་།། དོན་ལ་དབྱེར་མེད་ངོ་བོ་གཅིག། ཡེ་ཤེས་སྤྱི་བླུགས་དབང
117a5 ལ་ནི།། སྐུར་བྱེད་བསྐུར་བྱ་གདོད་ནས་མེད།། ངེས་དོན་རྐྱེན་ཐུབ་རྣམ་དྲུག་གིས།། གདམས་ངག་བསྟན་པ་ཙམ་གྱིས་ཆོག། རྫོགས་པ་ཆེན་པོ་དོན་འདུས་རང་བྱུང་བདེ་བའི་འཁོར་ལོའི་རྒྱུད་ལས། དབང་གི་རིམ་པ
117a6 བསྟན་པའི་ལེའུ་སྟེ་བཅུ་དགུ་པའོ།། །། དེ་ནས་ཀུན་རིག་སྟོན་པ་ཡིས།། འདུས་པའི་འཁོར་ལ་བཀའ་སྩལ་པ།། མེད་ལ་ཡོད་འཛིན་ཀུན་བརྟགས་ཡུལ།། འཁྲུལ་པ་བཟློག་དཀའ་འཇིག་ཚོགས་རི།། རང་གིས
iiif viewer powered by OpenSeadragon
