| e-texts navigator |
| Wylie |
116b1 མཚོན་པའི་བརྡའ་ཡི་རྫས་ལྔ་ལས།། སྤྱི་བོ་སྙིང་ག་མགྲིན་པ་རུ།། སྐུ་གསུང་ཐུགས་ཀྱི་དབང་རིས་བསྐུར།། ལག་པ་གཡས་དང་གཡོན་པ་རུ།། ཡོན་ཏན་ཕྲིན་ལས་དེ་བཞིན་ནོ།། དེ་ཡང་རྡོ་རྗེ་སེམས་དཔའ་ཉོན།།
116b2 རིག་པ་རང་གསལ་དབང་བསྐུར་བ།། ལྷ་བསྒོམ་སྤྱོད་པ་འབྲས་བུའི་དབང་།། དད་ལྡན་འཁོར་ལ་ངས་བསྐུར་གྱིས།། འཁོར་རྣམས་མ་ཡེངས་ཡིད་བསྡུས་ཤིག། ངེས་དོན་སངས་རྒྱས་ཆོས་ཀྱི་སྐུ།། ཐིག་ལེ་རང་བྱུང
116b3 འོད་གསལ་བ།། རིག་པའི་ཡེ་ཤེས་མངོན་གྱུར་དུ།། ཡེ་ཤེས་སྐུ་མཆོག་བདག་དབང་བསྐུར།། མ་རིག་སེམས་ཀྱི་མུན་གསེབ་ཏུ།། ལུང་ལྡན་ཐུགས་ཀྱི་སྒྲོན་མ་ཡིས།། རང་རིག་རྟོག་མེད་ད་ལྟ་ཉིད།། འགྱུར་མེད
116b4 ཐུགས་ཀྱི་དབང་གཅིག་བསྐུར།། ངེས་དོན་ཡེ་ཤེས་ཚངས་པའི་གསུངས།། ཚིག་གི་དོན་མཚོན་ཡིད་ཀྱིས་གོ།། དེ་དོན་གསལ་བ་རིག་པའི་གསུང་།། བརྡའ་མཇལ་ངེས་པའི་དབང་ཐོབ་ཤོག། དེ་ཡང་རྡོ་རྗེ་སེམས
116b5 དཔའ་ཉོན།། དངོས་མེད་རིག་པའི་ཡེ་ཤེས་འདི།། ནང་གསལ་ཡེངས་མེད་ཆོས་ཀུན་རྫོགས།། རྒྱལ་བ་རྣམས་ཀྱི་ཡོན་ཏན་དབང་།། ཡེ་ཤེས་འགྱུར་མེད་བདག་ལ་བསྐུར།། རང་བྱུང་མཛད་སྤྱོད་ཡེ་ཤེས་ལ།། རྒྱུན་དུ
116b6 མི་འབྲལ་ངེས་པའི་གསུང་།། དུས་འདིར་བརྗོད་མེད་ཡེ་གསལ་འདི།། མཛད་སྤྱོད་དབང་གཅིག་བདག་ལ་བསྐུར།། དེ་ཡང་དད་ལྡན་འཁོར་རྣམས་ཉོན།། རང་རིག་ཆོས་སྐུར་བལྟ་བ་ཡིས།། ཡིད་ཆེས་ཟག་ཆོད
iiif viewer powered by OpenSeadragon
