| e-texts navigator |
| Wylie |
116a1 ཕྲག་དོག་མེད་པར་བཟང་སེམས་ཀྱིས།། སྲོག་སྙིང་རྒྱལ་པོ་ལ་བྱིན་པས།། བྲམ་ཟེ་གསེར་གླང་འདྲ་གཉིས་འབྱུང་།། གཉིས་ཀ་མངའ་ཐང་ཅི་བསམ་འགྲུབ།། དེ་བཞིན་བླ་མ་ལུང་ལྡན་ལ།། ཡིད་འཐད
116a2 ཕུལ་ཞིང་ཅི་གསུངས་ཉན།། ཤེས་རབ་རྣོ་ལ་གསང་ཐུབ་ལ།། མན་ངག་སྙིང་པོ་གནང་བའི་ཕྱིར།། སློབ་མས་རང་སེམས་རྟོགས་པར་ངེས།། དེ་ཕྱིར་བླ་མ་བཀུར་བ་གཅེས།། ངེས་དོན་གནང་བའི་ཐབས་སུ་བཤད།།
116a3 རྫོགས་པ་ཆེན་པོ་དོན་འདུས་རང་བྱུང་བདེ་བའི་འཁོར་ལོའི་རྒྱུད་ལས། རྟོགས་པར་བྱ་བའི་ཐབས་བསྟན་པའི་ལེའུ་སྟེ་བཅོ་བརྒྱད་པའོ།། །། དེ་ནས་འདུས་པའི་འཁོར་རྣམས་ལ།། དབང་གི་རིམ་པ་བཀའ་སྩལ
116a4 པ།། རྒྱལ་ཐབས་སྤྱི་བླུགས་དབང་ཆེན་ནི།། དང་པོ་ཐུན་མོང་དབང་བསྐུར་བ།། དད་པ་དང་ནི་ཤེས་རབ་ཀྱིས།། སྟ་གོན་ལ་ནི་གནས་པར་བྱ།། ཐུན་མོང་དབང་རྣམས་རྫོགས་པར་བསྐུར།། དེ་ནས་ངེས་པའི་ལུང
116a5 ལྡན་གྱིས།། སྣོད་དང་ལྡན་ལ་ངས་བསྐུར་གྱི།། ཡིད་ལ་མ་ཡེངས་དོན་ཟུངས་ཤིག། དེ་ཡང་འདུས་པའི་འཁོར་རྣམས་ཀྱིས།། ཏིང་འཛིན་དཀྱིལ་འཁོར་དངོས་ཀྱང་རུང་།། ཁྱད་པར་འཕགས་པའི་རྫས་བདུན་གྱིས།།
116a6 ཡེ་ཤེས་ལྷ་ཡི་དོན་མཚོན་ཕྱིར།། རས་སམ་ཤིང་ཤུན་གྲོ་ག་ལ།། འཇུག་སྒོ་ལྔ་ཡི་བརྡའ་བྲིས་ཏེ།། དལ་དུ་བཞག་ལ་བྱིན་གྱིས་བརླབས།། དེ་ནས་དབང་བསྐུར་རིམ་པ་ནི།། རྒྱལ་ཐབས་སྤྱི་བླུགས་དབང་བསྐུར་བ།།
iiif viewer powered by OpenSeadragon
