| e-texts navigator |
| Wylie |
115b1 ཀྱི་ནང་ན་ཆོས་སྐུ་ཡོད།། ལུས་ཞིག་དྲན་པས་ལུས་སུ་འཇུག། དེ་ཕྱིར་འཁོར་བའི་རྒྱུད་ལ་འཁོར།། དོན་རྟོགས་རང་རིག་གནས་སུ་ཆེ།། རིག་པ་རང་བྱུང་ངོ་བོ་དེ།། སེམས་ཅན་ཀུན་གྱི་ཡིད་ལ་གནས།། དེ་ཕྱིར་འཁོར
115b2 འདས་ཀུན་གྱི་གཞི།། རྫོགས་པ་ཆེན་པོ་དོན་འདུས་རང་བྱུང་བདེ་བའི་འཁོར་ལོ་ལས། སེམས་ཅན་ཀུན་ལ་གནས་ལུགས་བསྟན་པའི་ལེའུ་སྟེ་བཅུ་བདུན་པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་རིག
115b3 རྗེ་ལ་ཡང་ཞུས་པ།། དོན་གྱི་གནས་ལུགས་རྟོགས་པ་གང་།། རིག་པའི་དབང་རྣམས་ཇི་ལྟར་བསྐུར།། མ་བགྲོད་ལམ་ལྔ་ཇི་ལྟར་རྫོགས།། ས་དང་ཕ་རོལ་ཡོན་ཏན་གང་།། ཀུན་རིག་སྟོན་པས་བཤད་དུ་གསོལ།།
115b4 ཞུས་པའི་དོན་གསན་བཀའ་སྩལ་པ།། ངེས་དོན་ངས་བཤད་ཡིད་ཀྱིས་ཉོན།། ངེས་པའི་ལུང་ལྡན་བླ་མ་ལ།། དད་པ་བརྩོན་འགྲུས་དམ་ཚིག་གིས།། བཀུར་སྟི་རིམ་གྲོ་གུས་བྱས་ནས།། མན་ངག་སྙིང་པོ་གནང་བར
115b5 འགྱུར།། དེ་ཡང་འདུས་པའི་སྙིང་པོ་ཉོན།། དཔེར་ན་བྲམ་ཟེ་གླང་ཆེན་བཞིན།། རྒྱལ་པོའི་བཀའ་ཡི་བཙན་ཕུལ་གྱིས།། བྲིད་བསྡིགས་གཡོ་སྒྱུས་ནོར་འདོད་པ།། སྲོག་སྙིང་མེད་པར་ཕན་མི་ཐོགས།། དེ་བཞིན་ངེས
115b6 པའི་ལུང་ལྡན་གྱིས།། གདམས་ངག་ཆོས་སྐུ་མ་བསྟན་ན།། ཐབས་དང་གཡོ་སྒྲ་སྣ་ཚོགས་ཀྱི།། བཀའ་རྐུན་སྐྱོན་གྱིས་ཆོས་བཙལ་ཡང་།། རང་སེམས་མི་རྟོགས་ངན་སོང་ལྟུང་།། དེ་ཡང་རྡོ་རྗེ་སེམས་དཔའ་ཉོན།།
iiif viewer powered by OpenSeadragon
