| e-texts navigator |
| Wylie |
115a1 ཡེ་ཤེས་རྒྱུན་མི་ཆད།། དེ་ཉིད་མི་གཡོ་རང་གསལ་བ།། འདུ་འབྲལ་མེད་པར་ཡེ་ནས་གནས།། དེ་ཕྱིར་ཉོན་མོངས་སྦུབས་ནང་ན།། ཀུན་བཟང་ཡེ་ཤེས་སེམས་དཔའ་གནས།། ངེས་དོན་ལུང་ལྡན་དོན
115a2 རྟོགས་ན།། དེ་དོན་གཞན་ནས་བསྒྲུབ་མི་དགོས།། སེམས་ཅན་བྱང་ཆུབ་སུ་འདོད་པ།། ཀུན་གཞིའི་གསེབ་ནས་དོན་ཚོལ་ལས།། དེ་ཡི་ངང་ལ་གནས་པར་གྱིས།། དེ་དོན་རྒྱལ་བའི་དགོངས་པ་ཡིན།། བདེར
115a3 གཤེགས་རྣམས་ཀྱི་སྙིང་པོ་ཡང་།། སེམས་ཅན་ཀུན་ལ་ཡོད་མོད་ཀྱང་།། ཤེས་པས་མ་མཐོང་ཙམ་དུ་ཟད།། དེ་མཐོང་ངེས་པའི་གདམས་པ་འདི།། ཤེས་པས་རྟག་ཏུ་འབྲལ་བ་མེད།། དེ་ཡང་འདུས་པའི་སྙིང་པོ
115a4 ཉོན།། མ་རིག་འཁྲུལ་པ་ཡོད་བཞིན་དུ།། འབྲས་བུའི་སངས་རྒྱས་ཐུགས་ལ་གནས།། དེ་ཕྱིར་གཞན་ནས་འབྱུང་བ་མེད།། ཐོག་མ་མ་ཡིན་དུ་འདི་རང་།། དེ་ཡང་རང་རིག་ཡེ་ཤེས་ནི།། ཏིལ་ལ་མར་གྱིས་ཁྱབ་པ
115a5 བཞིན།། འགྲོ་དྲུག་ཀུན་ལ་རང་རིག་ཁྱབ།། སྐྱེ་འགགས་མེད་པར་རྒྱུན་དུ་གནས།། དཔེར་ན་ས་གཏིང་ནམ་མཁའ་བཞིན།། འགྲོ་འོང་མེད་པར་ཆོས་སྐུར་གནས།། དོན་དེ་མ་རྟོགས་བློས་བསླད་ནས།། འཁོར་བར
115a6 འཁྱམས་ཀྱང་ཉམས་པ་མེད།། རང་བྱུང་རིག་པའི་ཡེ་ཤེས་དེ།། སྤྲིན་མེད་ནམ་མཁའི་ཉི་མ་བཞིན།། འདུས་མ་བྱས་པའི་ཀློང་དཀྱིལ་ན།། རང་རིག་ཡེ་ཤེས་ཆོས་སྐུ་བཞུགས།། རིན་ཆེན་ག་བུར་འོད་ཐིམ་འདྲ།། ལུས
iiif viewer powered by OpenSeadragon
