| e-texts navigator |
| Wylie |
113a1 ངོ་བོ་གཞི་ཡི་གནས་ལུགས་དང་།། ལྷ་སྒོམ་སྤྱོད་པ་འབྲས་བུའི་དོན།། རྟོགས་པའི་ཡོན་ཏན་ད་ལྟའི་དུས།། མངོན་དུ་གྲུབ་པ་ངས་བཤད་ཉོན།། ཡུལ་མེད་ངོ་བོ་རང་བྱུང་སྐུ།། འཁོར་འདས་མ་རེག
113a2 གདོད་ནས་བྱུང་།། དེ་དོན་ཀུན་ལ་ཡེ་ནས་གནས།། འདུས་མ་བྱས་པས་ནམ་མཁའ་འདྲ།། དེ་ཡང་འདུས་པའི་སྙིང་པོ་ཉོན།། དཔེར་ན་ཁྱུང་ཆེན་ལྡིང་པ་བཞིན།། ངེས་པའི་ལྟ་བ་གདེང་ལྡན་པས།། འཁོར་འདས
113a3 དངོས་པོ་ཅིར་སྣང་ཡང་།། གཟུང་འཛིན་ཞེན་རྟོག་གཞི་ལ་མེད།། མ་གི་ཏ་ཡིས་གང་ཐེབས་བཞིན།། ལྟ་བ་ངོ་བོ་ཉིད་རྟོགས་པས།། ཇི་དྲན་མ་བསྒོམས་ཆོས་ཉིད་གསལ།། བཞག་ལངས་མེད་པར་རྒྱུན་དུ་གནས།། བི
113a4 ཤས་གང་བྱས་ལེགས་པ་བཞིན།། རྣལ་འབྱོར་སྤྱོད་ལམ་ཐམས་ཅད་དུ།། ཡེ་ཤེས་རྩ་བ་དོན་གྱིས་ཟིན།། ཉེས་པའི་སྐྱོན་གྱིས་གོས་པ་མེད།། ཡིད་བཞིན་ནོར་བུའི་ཡོན་ཏན་བཞིན།། རང་སེམས་ཆོས་སྐུར་དོན་རྟོགས
113a5 པས།། མི་ཡི་ལུས་ལ་སངས་རྒྱས་ཐུགས།། གདུལ་བྱར་གཟུགས་སྐུ་ཤུགས་ལས་བྱུང་།། དེ་ཡང་རྡོ་རྗེ་སེམས་དཔའ་ཉོན།། དེ་དག་ངོ་བོ་གཅིག་གཅིག་ལ།། ཚིག་གི་མཚོན་པ་ཐ་དད་ཀྱང་།། ཡུལ་མེད་རང་གསལ
113a6 ཉིད་དུ་འདུས།། རྫོགས་པ་ཆེན་པོ་དོན་འདུས་རང་བྱུང་བདེ་བའི་འཁོར་ལོའི་རྒྱུད་ལས། ངེས་དོན་རྩ་བ་གཅིག་པར་བསྟན་པའི་ལེའུ་སྟེ་བཅུ་བཞི་པའོ།། །། དེ་ནས་རྡོ་རྗེ་སེམས་དཔའ་ཡིས།། འདུས་པའི་འཁོར
iiif viewer powered by OpenSeadragon
