| e-texts navigator |
| Wylie |
112a1 སྦྱོར།། འབྲས་བུ་སྐུ་དང་ཡེ་ཤེས་འདོད།། རྒྱུ་རྐྱེན་བསྐྱེད་ཅིང་འཁོར་བའི་ཆོས།། དེ་ཕྱིར་ལྷུན་གྲུབ་ས་མི་ཐོབ།། དེ་དག་ཐེག་པའི་ཆོས་རྣམས་ནི།། ཇི་ལྟར་བསྒྲུབས་ཤིང་བཙལ་འགྱུར་ཀྱང་།། རང
112a2 སེམས་སྙིང་པོ་མི་རྟོགས་ཕྱིར།། ཐེག་བརྒྱད་བགྲོད་པ་གོལ་སར་གསུངས།། རྫོགས་པ་ཆེན་པོ་དོན་འདུས་རང་བྱུང་བདེ་བའི་འཁོར་ལོའི་རྒྱུད་ལས། ཐེག་བརྒྱད་གོལ་སར་བསྟན་པའི་ལེའུ་སྟེ་བཅུ་གཉིས་པའོ།། ། དེ
112a3 ནས་འདུས་པའི་འཁོར་རྣམས་ལ།། ཀུན་རིག་སྟོན་པས་བཀའ་སྩལ་པ།། འཁོར་བའི་སྡུག་བསྔལ་དེ་དག་ལས།། ཐར་ཅིང་གྲོལ་བར་བྱེད་འདོད་ན།། མ་རྟོགས་སྡུག་བསྔལ་སྔ་ཕྱི་ནི།། འཇིག་རྟེན་རྡུལ་གྱི་གྲངས
112a4 བཞིན་དུ།། བརྗོད་ཀྱིས་མི་ལངས་བསམ་མི་ཁྱབ།། དེ་ཡི་རྩ་བ་མདོར་བསྡུ་ན།། སེམས་ཅན་ཉོན་མོངས་བག་ཆགས་ནི།། འཇིག་རྟེན་ས་གཞིའི་གཏོས་དང་འདྲ།། ས་གསེབ་ཐིག་ལེ་ཉག་གཅིག་ནི།། རིན་ཆེན་སྙིང་པོ
112a5 གསེར་དང་འདྲ།། ས་ནས་གསེར་འཚོལ་བྱ་བའི་ཐབས།། ཆུ་ཆགས་ཐབས་ཀྱི་ངོས་འཛིན་ལྟར།། རྒྱལ་བ་ཀུན་བཟང་ང་ཡིས་ནི།། ཆོས་རྣམས་རྩ་བ་མདོར་བསྡུས་ནས།། ངེས་དོན་མ་ནོར་གསལ་བ་ཡི།། ཡེ་ཤེས
112a6 སྒྲོན་མེ་ངས་འདེགས་ཀྱིས།། འགྲོ་དྲུག་སེམས་ཅན་ཡི་མ་ཆད། རྨོངས་པ་རྣམས་ཀྱང་བློ་མ་སྟོར།། དད་ལྡན་རྣལ་འབྱོར་ང་ལ་བྲུད།། བྱང་ཆུབ་འདོད་པའི་ལམ་སྣ་དྲང་།། ཐེག་ཆེན་ལྟ་བ་གསལ་ཞིག་གདབ།། མ
iiif viewer powered by OpenSeadragon
