| e-texts navigator |
| Wylie |
111b1 ལས་དེ་མི་ཐར།། དེ་དག་ཀུན་གཞི་མ་ལོག་སྐྱོན།། ཆོས་རྣམས་ཡེ་ནས་སངས་རྒྱས་ཤིང་།། བཙལ་ཞིང་བསྒྲུབ་དང་བྲལ་བའི་དོན།། མངོན་སུམ་འགལ་བའི་གེགས་བྱེད་པས།། དེ་ནི་ཀུན་གཞི་མ་ལོག་སྐྱོན།། རྫོགས
111b2 པ་ཆེན་པོ་དོན་འདུས་རང་བྱུང་བདེ་བའི་འཁོར་ལོའི་རྒྱུད་ལས། གཉེན་པོ་ལོག་པ་དང་མ་ལོག་པའི་སྐྱོན་བསྟན་པའི་ལེའུ་སྟེ་བཅུ་གཅིག་པའོ།། །། དེ་ནས་འདུས་པའི་འཁོར་རྣམས་ལ།། ཐེག་པའི་གོལ་ས
111b3 བཀའ་སྩལ་པ།། མཚན་ཉིད་ཐེག་པ་རྣམ་པ་གསུམ།། ཞིང་པའི་སོ་ནམ་ལས་དང་འདྲ།། རྒྱུ་རྐྱེན་རྩོལ་བས་ཅི་འབད་ཀྱང་།། འབྲས་བུ་འདུས་བྱས་མོད་ལ་ཟད།། དེ་བཞིན་རྒྱུ་རྐྱེན་ཚོགས་བསགས་ཀྱང་།། འབྲས་བུ
111b4 མི་འབྱུང་རེ་དོགས་མཐར།། ལུས་ངག་ཡིད་ཀྱི་རྩོལ་བ་དེས།། བྱང་ཆུབ་འགྲུབ་པར་ངས་མ་བཤད།། ཀྲི་ཡོག་ཐེག་པ་རྣམ་པ་གསུམ། འཇིག་རྟེན་རྫས་ཀྱི་ཡོ་ལང་འདྲ།། འདོད་པའི་ཡོ་ལང་མང་པོར་བཅས།། གླུ
111b5 གར་ལོངས་སྤྱོད་སྣ་ཚོགས་ཅན།། དེ་བཞིན་ཀྲི་ཡོག་ཐེག་པ་ནི།། རྡུལ་ཚོན་དཀྱིལ་འཁོར་ལྷ་དང་བཅས།། གླུ་གར་མཆོད་པ་ཅི་ཕུལ་ཀྱང་།། འབྲས་བུ་མི་རྟག་སྒྱུ་མ་འདྲ།། གྲུབ་པ་ཐོབ་པར་ངས་མ་བཤད།། དེ་ཡང་རྡོ
111b6 རྗེ་སེམས་དཔའ་ཉོན།། ཐེག་ཆེན་བསྐྱེད་རྫོགས་རྣམ་པ་གཉིས།། འཇིག་རྟེན་བུ་ཚའི་སོ་ནམ་འདྲ།། ཕ་མས་འཁོར་བསྐྱེད་རྫས་བསགས་ཀྱང་།། རྟག་པ་མ་ཡིན་རིམ་གྱིས་བརླག། དེ་བཞིན་ཡབ་ཡུམ་གཉིས་མེད
iiif viewer powered by OpenSeadragon
