| e-texts navigator |
| Wylie |
111a1 བཟོའི་སྒྲས་དང་མ་སྨྲས་པ།། རྫོགས་ཆེན་ངེས་པའི་ལུང་ལ་ཉོན། དེ་ལ་མ་བསྒྲིབས་ཨ་ཏི་ཡི།། སྤྱི་དང་རང་གི་མཚན་ཉིད་ཡིན།། ལྷག་མཐོང་ཨ་ཏི་ཡོ་ག་ལ།། རང་བྱུང་ཨ་ཏིའི་ཡང་ཏི་སྟེ།། རིམ་གྱིས་མ
111a2 ཡིན་གཞན་མི་མཐུན།། དེ་ཉིད་ཨ་ཏི་ཡོ་ག་ཡི།། ལྷག་མཐོང་མི་དམིགས་ཏིང་འཛིན་བསྒོམ།། དེ་ཡིས་སྒྲིབ་པ་འཇོམས་བྱེད་ལ།། ཨ་ཏིའི་ཨ་ཏི་ཡོ་ག་ལ།། རང་བྱུང་ཡེ་ཤེས་ཆེན་པོ་ཡིས།། ཡེ་ནས་བཅོས་པས་གཞོམ
111a3 དུ་མེད།། བྱ་བ་མ་ལུས་ཡོངས་རྫོགས་པས།། དེ་ཕྱིར་ཁྱད་པར་ཤིན་ཏུ་འཕགས།། དེ་ཡང་རྡོ་རྗེ་སེམས་དཔའ་ཉོན།། ཀུན་གཞི་ཀུན་གྱི་འབྱུང་གནས་ལ།། ལོག་དང་མ་ལོག་མེད་པ་སྟེ།། ཡེ་ཤེས་རྒྱུན་ལ་བཏགས་པར
111a4 ཟད།། དེ་ལྟར་གྱུར་པས་འཁོར་བ་སྟོངས།། ཡེ་ནས་ཡོན་ཏན་རྫོགས་པ་ནི།། རང་གི་ས་ལས་ལོག་པའོ།། ལོག་པའི་ཡོན་ཏན་དངོས་བསྟན་པ།། ཀུན་གཞི་ལོག་པའི་ཡོན་ཏན་ནི།། རྫོགས་པ་ལས་ཀྱང་ཡོངས་རྫོགས
111a5 པ།། ལྷུན་གྲུབ་ཨ་ཏིའི་ཨ་ཏི་ལ།། ཡེ་ནས་གནས་པ་ཇི་བཞིན་ལས།། འཁོར་བ་སྟོངས་ཤིང་ཡོངས་རྫོགས་པའི།། འཁོར་འདས་རྫོགས་པའི་མིང་ཡང་མེད།། ཡང་དག་གྲུབ་པ་ག་ལ་སྲིད།། ཇི་བཞིན་གནས་ལས་མ
111a6 འགྱུར་ཞེས།། དེ་ཉིད་ལོག་པའི་ཡོན་ཏན་ཡིན།། དེ་ཡང་རྡོ་རྗེ་སེམས་དཔའ་ཉོན།། དེ་ཡང་ཀུན་གཞི་ངར་འཛིན་དང་།། བག་ཆགས་ཡོངས་སུ་མ་ཟད་པས།། ཆེ་བའི་ཡོན་ཏན་མི་རྫོགས་ཤིང་། འཁོར་བའི་གནས
iiif viewer powered by OpenSeadragon
