| e-texts navigator |
| Wylie |
110b1 བརྟན་པར་རྟོག། གཞན་དུ་ཕྱཝ་དང་དབང་ཕྱུག་དང་།། གནམ་གྱིས་སྐྱོབ་ལ་སོགས་པ་ལྟར།། ཉན་ཐོས་ཕྱི་རོལ་སྣང་བའི་ཆོས།། ཀུན་གཞིའི་རྣམ་ཤེས་སྣང་བ་ལ།། རྡུལ་ལས་གྲུབ་པའི་རང་རྒྱུད་པ།། རིས་སུ་ཆད
110b2 པའི་དངོས་པོར་བལྟ།། དེ་དག་ཀུན་གཞི་མ་ཤེས་སྐྱོན།། རྫོགས་པ་ཆེན་པོ་དོན་འདུས་རང་བྱུང་བདེ་བ་ཆེན་པོ་འཁོར་ལོའི་རྒྱུད་ལས། ཀུན་གཞི་ཤེས་པའི་ཡོན་ཏན་དང་། མ་ཤེས་པའི་སྐྱོན་བསྟན་པའི་ལེའུ་སྟེ་བཅུ
110b3 པའོ།། །། དེ་ནས་ཀུན་རིག་སྟོན་པ་ཡིས།། འདུས་པའི་འཁོར་ལ་བཀའ་སྩལ་པ།། ཀུན་གཞི་འཇོམས་པར་བྱེད་པ་ཡི།། གཉེན་པོ་ལོག་དང་མ་ལོག་སྐྱོན།། དང་པོ་གཉེན་པོ་བསྟན་པ་ནི།། ཀུན་གཞིའི
110b4 རྣམ་པར་ཤེས་པ་ཡང་།། དུས་གསུམ་འདུས་མ་བྱས་པའི་ངང་།། གཉེན་པོས་གཞོམ་ཅིང་གཞི་མེད་ཞིང་།། བསགས་པའི་ལས་དང་བག་ཆགས་ཀུན།། ཏིང་ངེ་འཛིན་དང་ཤེས་རབ་ཀྱིས།། ཡོངས་སུ་འཇོམས་པ་དེ
110b5 དག་ལ།། ཀུན་གཞིའི་གཉེན་པོར་བཏགས་པར་ཟད།། ཀུན་གཞིའི་དོན་ནི་འདུས་བྱས་ལ།། དེ་ལ་གཉེན་པོ་མེད་མི་སྲིད།། ལྷག་མཐོང་རང་བྱུང་ཡེ་ཤེས་ཀྱིས།། ཀུན་གཞི་གཏན་ནས་འཇོམས་པར་བྱེད།། རྫོགས
110b6 ཆེན་སྤྱི་ཕུད་ཡེ་ཆེ་ལ།། ང་གདོད་ཆེ་བ་ཅི་ཞིག་དབྱུང་།། ལྷག་ཆད་སྨྲ་བ་རྨོངས་པ་ཡིན།། བཀའ་ལུང་གཞན་ནི་དྲང་བར་གསུངས།། བཀའ་ལུང་ངེས་པ་མ་ཐོབ་པར།། གསུངས་དང་མ་གསུངས་ཅི་ཆ་ཡོད།། རང
iiif viewer powered by OpenSeadragon
