| e-texts navigator |
| Wylie |
110a1 སྟོངས་པ།། དམིགས་པའི་ཡུལ་ནི་མ་ཡིན་ལ།། ཡུལ་ཡང་ཆོས་ཉིད་མ་ཡིན་ཏེ།། རེ་ཞིག་དེ་ལྟར་འདོད་པ་ནི།། ཁ་ཅིག་ཙམ་གྱི་གཞུང་དུ་ཟད།། ཐེག་པ་སྤྱི་ཡི་ཀུན་གཞི་ཉིད།། ཆོས་ཉིད་ཡིན་པར
110a2 འདོད་པ་ནི།། རང་གི་ཡུལ་དུ་རང་གྱུར་པས།། ཐེག་པ་འོག་མའི་གཞུང་དང་འགལ།། རྫོགས་པ་ཆེན་པོ་དོན་འདུས་རང་བྱུང་བདེ་བའི་འཁོར་ལོའི་རྒྱུད་ལས། ཀུན་གཞིའི་རྩལ་དང་རང་བཞིན་དམིགས་པའི་ཡུལ
110a3 བསྟན་པའི་ལེའུ་སྟེ་དགུ་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་རྒྱལ་པོས་བཀའ་སྩལ་པ།། ཀུན་གཞི་ཤེས་པའི་ཡོན་ཏན་མ་ཤེས་སྐྱོན།། དང་པོ་ཤེས་པའི་ཡོན་ཏན་ནི།། ཀུན་གཞིའི
110a4 རྣམ་པར་ཤེས་པ་ནི།། ཇི་ལྟར་གནས་པའི་དོན་རྟོགས་པས།། ཡོད་མེད་གང་ཡང་མི་ལྟུང་ཞིང་།། རྟག་ཆད་གཉིས་དང་བྲལ་བས་ན།། མྱ་ངན་འདས་པའི་འབྲས་བུ་ཡང་།། དེ་ཡི་ངང་གིས་ཐོབ་པར་འགྱུར།། དེ་ཡང་རྡོ།
110a5 རྗེ་སེམས་དཔའ་ཉོན།། ཀུན་གཞིའི་དེ་ཉིད་མ་ཤེས་པས།། ཐམས་ཅད་དེ་ལས་འབྱུང་བ་ཡི།། དོན་ཡང་ཤེས་པར་མི་འགྱུར་ཏེ།། ལོག་པར་ལྟ་བ་སྣ་ཚོགས་བྱུང་།། མུ་སྟེགས་ཆད་པའི་རིགས་རྣམས་ཀྱིས།། ཅི་བྱས
110a6 ལས་ཀྱི་འབྲས་བུ་ནི།། སྨིན་ན་འདིར་སྨིན་ཕྱིས་མི་མྱོང་དེ་ལྟར་ཅི་བདེར་སྤྱོད་ཅེས་ཟེར།། རྟག་པར་ལྟ་བའི་རིགས་དག་ནི།། དངོས་པོ་བདག་ཉིད་བརྟན་པ་དང་།། ཇི་ལྟར་བྱས་པ་དེར་སྨིན་ཅིང་།། ཤེས་སུ་མི་འགྱུར
iiif viewer powered by OpenSeadragon
