| e-texts navigator |
| Wylie |
10a1 ཕྱིར།། འདི་ལ་དགག་སྒྲུབ་ཅི་ཡང་མེད།། ད་ཡང་འདུས་པའི་སྙིང་པོ་ཉོན།། མ་དྲོས་མཚོ་དཀྱིལ་མེ་འབར་བ།། མཐོང་ནས་གསལ་བ་ཆུ་ཡིས་ནི།། བསྐལ་པར་དེ་ལ་གནོད་མི་ནུས།། དེ་བཞིན་མ་རིག
10a2 ཡེ་ཤེས་ཀྱིས།། ཐོག་མཐའ་རྩ་བ་མཆོད་ན།། མྱང་འདས་ཡོན་ཏན་མི་འབྱུང་ཕྱིར།། འཁོར་བ་ཟིལ་གྱིས་ཅི་ལ་ནོན།། བྱ་ཁྱུང་རྒྱལ་པོ་རླབས་ཆེན་གྱིས།། རིན་ཆེན་ནམ་མཁར་ཐོན་པའི་ཚེ།། རྒྱ་མཚོ་ཉིད་ཀྱང་བདུད
10a3 རྩིར་འགྱུར།། དེ་བཞིན་བླ་མའི་གདམས་ངག་གིས།། རང་བྱུང་སྙིང་པོ་རྟོགས་ཙམ་གྱིས།། སྡུག་བསྔལ་ཉིད་ཀྱང་བདེ་ཆེན་འཆར།། ཚིག་དང་ཡི་གེས་མཚོན་པ་རྣམས།། མིང་དུ་བཏགས་པའི་ཆོས་ཀུན་ནོར།། འཁྲུལ
10a4 རྐྱེན་དཔེ་ཡིས་བསྟན་པའི་ཕྱིར།། དཔེ་དོན་དབྱེ་བ་ཤིན་ཏུ་གཅེས།། རྫོགས་པ་ཆེན་པོ་ལྟ་བའི་ཡང་སྙིང་། ནམ་མཁའ་ཀློང་ཡངས་ཀྱི་རྒྱུད་ལས། མཚོན་པའི་དཔེ་དོན་མ་ཡིན་པར་བསྟན་པའི་ལེའུ་སྟེ་བཞི
10a5 པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་སེམས་ཀྱི་རྒྱལ་པོ་ཡིས།། དོན་གྱི་དབྱེ་བ་བཀའ་སྩལ་པ།། སངས་རྒྱས་པས་ཀྱང་སེམས་ཅན་གཉེན།། སེམས་ཅན་དུས་ནས་མ་རྟོགས་ན།། དུག་ལྔ
10a6 རང་གྲོལ་ཅི་ལ་འོང་།། མཉམ་བཞག་པས་ཀྱང་རྗེས་ཐོབ་གཅེས།། རྗེས་ཐོབ་ལྟ་བར་མ་ཤེས་ན།། ཐུན་མཚམས་བསྒོམ་པས་སངས་མི་རྒྱ།། ལུས་ལ་བརྟེན་ནས་རྟོགས་པ་ཡི།། དུས་བཞིའི་གདམས་ངག་མ་ཤེས
iiif viewer powered by OpenSeadragon
