| e-texts navigator |
| Wylie |
109a1 གཅིག་ཆར་འགྱུར་ན་སངས་རྒྱས་དང་།། བསྒྲུབ་པ་མཐར་ཟུག་མི་འགྱུར་ཞིང་།། རྫོགས་སངས་རྒྱས་ནས་མི་འགྱུར་ན།། འདུས་བྱས་རྒྱུན་ལ་འདུས་མ་བྱས།། འབྲས་བུ་འབྱུང་བས་མངོན་བརྟགས
109a2 འགྱུར།། འགྱུར་བའི་རྐྱེན་གྱིས་ངན་འགྱུར་ན།། ཡོངས་སུ་འགྱུར་བའི་མཐའ་རུ་ནི།། དམྱལ་བ་ལས་ཀྱང་སྡུག་བསྔལ་ཞིང་།། གཏན་དུ་དེ་ལས་ཐར་མི་སྲིད།། རྐྱེན་གྱིས་མ་ཡིན་རང་འགྱུར་ན།། དགེ་སྡིག་ལས་ཀྱིས
109a3 འཁོར་བ་དང་།། མྱང་འདས་དངོས་པོ་མི་འབྱུང་སྟེ།། མུ་སྟེགས་བཞིན་དུ་ཁར་རྗེར་འགྱུར།། དོན་དམ་ཡིན་ན་སྐྱོན་ཡོན་ཅི།། གང་ལྟར་གནས་ཀྱང་འགལ་བའི་ཕྱིར།། ཀུན་གཞིའི་རྒྱུན་ལས་མི་འགྱུར་བས།། རང་གི།
109a4 ལོག་རྟོག་འདོད་གཞུང་ཡིན།། ཀུན་གཞི་སྤྲོས་བྲལ་ཆོས་ཀུན་གྱི།། འབྱུང་གནས་དམ་པ་ཀུན་ཤེས་པས།། ཕྱི་ནང་ཆོས་ལ་ཅིར་མི་རྟོག། མ་བརྟགས་བག་ཆགས་མི་གསོག་ཅིང་།། ཕུང་པོ་སྡུག་བསྔལ་མ་བྱུང་བས།།
109a5 དེས་ན་ཀུན་གཞི་རང་བཞིན་ཡིན།། ཉན་ཐོས་འགོག་པར་ཞུགས་པ་ནི།། རྟོག་མེད་བག་ཆགས་མི་གསོག་ཀྱང་། ཀུན་གཞིའི་མཚན་ཉིད་མི་ཤེས་པས།། བག་ལ་ཉལ་གྱི་བག་ཆགས་ཀྱིས།། ཉི་ཚེ་ཕྱོགས་གཅིག་ལྷུང
109a6 བཔ་སྟེ།། ཐེག་པ་འདི་ཡི་ཆོས་རྣམས་ཀུན།། ཡོངས་སུ་ཞི་བའི་ངང་ཤེས་ཤིང་།། བག་ཆགས་རང་བཞིན་ཀུན་བྱང་བས།། མི་མཚུངས་ཤིན་ཏུ་ཁྱད་པར་ཆེ།། སྨན་གྱི་རྒྱལ་པོ་དར་ཡ་ཀན།། དངོས་པོ་དེ་ཉིད་འདུལ་བ
iiif viewer powered by OpenSeadragon
