| e-texts navigator |
| Wylie |
108b1 ཆགས་གཉིས། ཀུན་བརྟགས་ལྷན་ཅིག་སྐྱེས་པ་དང་།། བག་ལ་ཉལ་དང་མངོན་རྒྱུ་བས།། ཐམས་ཅད་དེ་ལས་བསྐྱེད་པའི་ཕྱིར།། ཀུན་གཞི་ཐུན་མོང་མིན་པའི་རྩལ།། གཞན་དུ་ཀུན་གཞི་རང་བཞིན་རྩལ།། དེ་ལས
108b2 གཞན་པ་རང་བཞིན་རྩལ།། ཐེ་ཚོམ་རྣམ་པར་རྟོག་པ་སྟེ།། ཅི་ཕྱིར་གཅིག་གིས་ཡིན་ཞེ་ན།། ཀུན་གཞི་མ་རིག་བག་ཆགས་གཉིས།། ཡོངས་སུ་ཞེན་པར་གྱུར་པ་ལ།། མ་རིག་པ་ལ་ཐེ་ཚོམ་སྟེ།། བག་ཆགས་ཡིན་པའི
108b3 རྟོག་པ་བྱུང་།། དེ་མེད་དེ་ཡང་མི་འབྱུང་ཕྱིར།། ཐེ་ཚོམ་རྟོག་པ་རང་བཞིན་རྩལ།། དེ་ཡང་རྡོ་རྗེ་སེམས་དཔའ་ཉོན།། ཀུན་གཞིའི་རྣམ་ཤེས་སྐད་ཅིག་རྒྱུན།། མི་རྟག་མ་ཆད་དུས་གསུམ་རྒྱུ།། དེ་ཡང་སུས་ཀྱང་མ
108b4 བཅོས་ཤིང་།། རང་བཞིན་ངང་གིས་གནས་པ་སྟེ།། དེས་ན་ངང་གི་རང་བཞིན་ཡིན།། ཀུན་གཞིའི་རྣམ་པར་ཤེས་པ་དེ།། སྐད་ཅིག་རྒྱུད་གྱིས་མི་སྡོད་འགྲོ།། འགྲོ་བས་དང་པོ་སོང་བ་ལ།། ཐ་མར་ཐ་ཆད་འགགས
108b5 པར་འགྱུར།། སྐད་ཅིག་དུས་གསུམ་ཆས་ཕྱེ་བས།། འགགས་ཤིང་ཤེས་པའི་ངོ་བོ་ཉིད།། སྐད་ཅིག་རྒྱུན་འགྱུར་མི་རྟག་ཀྱང་།། ཉེས་པའི་སྐྱོན་མེད་རང་བཞིན་ཡིན། ངོ་བོ་སྐད་ཅིག་ཆས་འགགས་ཏེ།། རིགས་མཐུན
108b6 རྒྱུ་ལས་འགྱུར་བ་མེད།། ཀུན་གཞི་སྐད་ཅིག་མ་ཡི་རྒྱུན།། དུས་གསུམ་མི་འཆད་ཡོད་གྱུར་ན།། འབྲས་བུ་ཡོངས་སུ་རྫོགས་པ་ལ།། ཀུན་གཞིའི་མིང་ཡང་མི་གྲགས་པའི།། མི་འགྱུར་འཁོར་བར་ལོག་མི་སྲིད།།
iiif viewer powered by OpenSeadragon
