| e-texts navigator |
| Wylie |
108a1 གཞིའི་ངེས་པའི་རྩལ།། ཚོགས་བདུན་ཡུལ་དྲུག་བཅས་པ་ནི།། ཀུན་གཞིའི་རྣམ་ཤེས་རྩལ་ཡིན་ཏེ།། ཀུན་གཞི་མེད་པར་དེ་དག་ནི།། འབྱུང་བར་འགྱུར་བ་མ་ཡིན་པས།། ཤེས་པ་བདུན་དང་ཡུལ་དྲུག
108a2 ལ།། གཅིག་གི་ཡུལ་ནི་ངོ་བོ་ཉིད།། དེ་དག་བཅས་པ་ཐུན་མོང་རྩལ།། ཕྱི་ནང་ཆོས་ནི་ཇི་སྙེད་པ།། གཞན་མེད་ཀུན་གཞི་རྣམ་ཤེས་ལ།། དེ་ཉིད་རང་བཞིན་སྤྲོས་དང་བྲལ།། དེ་ལྟར་མ་རྟོགས་ལོག་རྟོགས་ཀྱིས།།
108a3 བདག་དང་ཡུལ་བརྟགས་ཞེ་སྡང་གཞི།། བདེ་སྡུག་རྣམ་པ་སྣ་ཚོགས་བསགས།། དེ་ཡིས་ཁམས་གསུམ་འཁོར་བར་འཁྱམས།། དེ་དག་ཀུན་སྩོགས་ལོག་པའི་རྩལ།། དེ་ཡང་ཀུན་གཞིའི་རྣམ་ཤེས་ཀྱིས།། ཡང་དག
108a4 རྩལ་ནི་ཕྱི་ནང་ཆོས།། སྐུ་དང་ཡེ་ཤེས་ཞིང་ཁམས་ཏེ།། དངོས་སུ་མེ་ལོང་ཡེ་ཤེས་ཡིན།། ཀུན་གཞིའི་རྣམ་པར་ཤེས་པ་ལ།། རྣམ་རྟོག་བག་ཆགས་མཐུ་བརྟས་པས།། དེ་ཉིད་ཐམས་ཅད་མཁྱེན་པའི་གེགས།། ས་བཅུ
108a5 རིམ་པར་ཡོངས་སྦྱངས་ནས།། ཡོངས་སུ་སྐུ་དང་ཡེ་ཤེས་གྱུར།། དེ་ཕྱིར་ཀུན་གཞི་ཡང་དག་རྩལ།། དེ་ཡང་བྱང་ཆུབ་སེམས་དཔའ་ནས།། དམྱལ་བའི་འཇིག་ཚོགས་ཡན་ཆད་དུ།། ཀུན་ལ་ཁྱབ་ཅིང་ཀུན་འབྱུང
108a6 བས།། དེ་ནི་ཀུན་གཞི་ཐུན་མོང་རྩལ།། ཁྱབ་པ་ཆེ་བས་ཡོན་ཏན་བསྒྲིབས།། དེ་དག་མ་རིག་བག་ཆགས་ལས།། བྱུང་ཕྱིར་ཀུན་གཞི་ཐུན་མོང་རྩལ།། དེ་ཡང་ཁམས་གསུམ་སེམས་ཅན་ནི།། མ་རིག་པ་དང་བག
iiif viewer powered by OpenSeadragon
