| e-texts navigator |
| Wylie |
107b1 གྱིས་བསྒྲིབས་པ་འདྲ།། དངོས་ཉིད་དུག་དང་ཆང་འདྲ་བར།། ཡེ་ནས་གསོད་བྱེད་གཉེན་པོ་ལ།། ཆང་གིས་རྐྱེན་བྱས་ཐར་མེད་བཞིན།། མ་རིག་འཁོར་བའི་རང་བཞིན་ལ།། བག་ཆགས་འཁོར་བས་རྐྱེན་བྱས་ནས།།
107b2 ཁམས་གསུམ་འཁོར་བའི་འཁོར་ལོ་བསྐོར།། ཐར་མེད་འཁོར་བའི་ཀུན་གཞི་བྱས།། དཔེ་ནི་དུག་དང་ཆང་འདྲེས་འདྲ།། ཀུན་གཞིའི་རྣམ་པར་ཤེས་པའི་དོན།། གཞན་པ་ཀུན་དང་མི་མཐུན་ཡང་།། བཀའ་རྣམས་སུན
107b3 ཕྱུང་སྐྱོན་མེད་ཅིང་།། ཐེག་གཞན་རྫུན་གསུང་མི་འགྱུར་ཏེ།། མུ་སྟེགས་འགལ་བ་སུན་འབྱིན་པས།། ཐེག་པའི་མཚན་ཉིད་མི་ཤེས་པས།། རྟག་ཆད་མུ་བཞི་ལ་ཞེན་པས།། མ་རིག་རྨོངས་པའི་ང་རྒྱལ་གྱིས།། རང་གི།
107b4 འདོད་པ་ཡང་དག་ཟེར།། གཞན་གྱི་ཡིན་པ་ཁྱད་དུ་གསོད།། དེ་དང་ཨ་ཏི་ཡོ་གའི་དོན།། མཚུངས་པར་གྱུར་པ་མ་ཡིན་ནོ།། ཐེག་པ་མཐའ་དག་ངེས་བརྟགས་ཤིང་།། རྫོགས་ཆེན་འདི་ལ་མཐར་གཏུགས་ཤིང་།། ཐེག
107b5 པ་ཀུན་གྱི་སྤྱི་ཕུད་ལ།། ལམ་དང་ས་ཡི་མཐར་གཏུགས་ཤིང་།། དཀྱིལ་འཁོར་ཡོངས་ཀྱི་སྙིང་པོ་སྟེ།། སངས་རྒྱས་ཡེ་ཤེས་ལྷུན་གྲུབ་ཡིན།། རྫོགས་པ་ཆེན་པོ་དོན་འདུས་རང་བྱུང་བདེ་བའི་འཁོར་ལོའི་རྒྱུད་ལས།།
107b6 མཚན་ཉིད་ཆུ་རྐྱེན་དཔེ་བསྟན་པའི་ལེའུ་སྟེ་བརྒྱད་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་སྟོན་པས་བཀའ་སྩལ་པ།། རྩལ་དང་རང་བཞིན་དམིགས་པའི་ཡུལ།། དངོས་པོ་ཀུན
iiif viewer powered by OpenSeadragon
