| e-texts navigator |
| Wylie |
107a1 རྗེ་སེམས་དཔའ་ཉོན།། དངོས་པོར་གཟུང་དུ་རྡུལ་ཙམ་མེད།། མ་སྤྲོས་རང་བཞིན་ཡོངས་ལ་ཁྱབ།། རྣམ་ཤེས་རང་བཞིན་དེ་ལྟར་ཏེ།། ཀུན་གཞིའི་དཔེ་ནི་ནམ་མཁའ་འདྲ།། དེ་བཞིན་ཀུན་གཞིའི་རྣམ
107a2 ཤེས་ལ།། ཚོགས་བདུན་ཇི་ལྟར་སྐྱེ་འགགས་ཀྱང་། ཀུན་གཞི་ཤེས་པའི་ངང་ཉིད་ལས།། ཚོགས་བདུན་སྐྱེས་ཀྱང་འགྱུར་བ་མེད།། ཀུན་གཞིའི་ཤེས་པའི་རང་བཞིན་ནི།། སྐད་ཅིག་མི་སྡོད་འགྲོ་བ་སྟེ།། ཆུ་བོ་བཞི་ཡི
107a3 གཞུང་དང་འདྲ།། དར་ཅིག་མི་སྡོད་རྒྱུན་མི་འཆད།། ཕྱི་ནང་འཁོར་བ་མྱ་ངན་འདས།། ཐམས་ཅད་ཀུན་གཞིའི་ངང་གྱུར་ཏེ།། གང་ཡང་སྐྱེད་པར་བྱེད་པའི་ཕྱིར།། དེས་ན་ཀུན་གཞི་ས་གཞི་འདྲ།། རང་གིས་རང་ལ་མ
107a4 བཀག་ཀྱང་།། གཞན་གྱི་རྐྱེན་གྱིས་མི་མངོན་པ།། ཉི་ཟླ་གཟའ་སྐར་དུས་གཅིག་ཏུ།། ཤར་བའི་འོད་ཀྱི་ཕྲ་རགས་འདྲ།། ཀུན་གཞི་རང་བཞིན་དག་པའི་དབྱིངས།། ཡེ་ནས་དར་དཀར་ལྟ་བུ་ལ།། རྟོག་པ་གློ་བུར་སྣུམ
107a5 གྱིས་ཞེ་ན།། གཉིས་མེད་འདྲེས་པར་གྱུར་པ་ནི།། དར་དཀར་སྣུམ་གྱིས་ཞེན་པ་འདྲ།། ཀུན་གཞི་རྣམ་དག་ཆོས་ཀྱི་དབྱིངས།། ཡེ་ནས་རང་བྱུང་ཆོས་ཀྱི་སྐུ།། དངས་མའི་ཆུ་དང་འདྲ་བ་ལ།། བག་ཆགས་རྣམ་རྟོགས
107a6 འདྲེས་བསླད།། ཡེ་ནས་རང་བྱུང་ཆེན་པོ་ཡང་།། བདག་གཞན་གང་ལ་དོན་མི་ནུས།། ཆུ་དང་ས་གཉིས་འདྲེས་དང་འདྲ།། མ་བཙལ་ལྷུན་གྱིས་གྲུབ་གྱུར་ཀྱང་།། རྟོག་པས་བསྒྲིབས་ནས་མེད་པར་སྣང་།། ཉི་མ་སྤྲིན
iiif viewer powered by OpenSeadragon
