| e-texts navigator |
| Wylie |
106b1 པའི་ཆོས།། ཐམས་ཅད་མཉམ་ཉིད་གཅིག་པའི་ངང་།། རང་བཞིན་ལྷུན་གྱིས་གྲུབ་པའི་སྐུ།། བདེ་བ་ཆེན་པོས་ཡོངས་ལ་ཁྱབ།། དེ་ཉིད་མ་རྟོགས་ཀུན་གཞི་ལ།། ཡེ་ནས་གནས་པས་རྒྱུ་ཞེས་བྱ།། དེ་ཡང་འདུས་པའི
106b2 སྙིང་པོ་ཉོན།། ཀུན་གཞི་སྐྱེ་བ་མེད་པའི་དབྱིངས།། གང་གིས་མ་བསྐྱེད་རང་བཞིན་ཏེ།། མ་སྤྲོས་ཀུན་བྲལ་ཁྱབ་པའི་དབྱིངས།། རྐྱེན་གྱིས་བྱས་པ་ག་ལ་སྲིད།། གསལ་བའི་རྒྱུ་རྐྱེན་མེད་པ་ལ།། ཀུན་གཞི་གཉེན་པོ་ཡེ
106b3 ཤེས་ཀྱིས།། འཇིག་པར་འགྱུར་བས་རྐྱེན་གྱིས་བསྐྱེད།། རྐྱེན་ནི་ཆོས་དབྱིངས་ཆོས་སྐུ་ལས།། ཐ་དད་མེད་ཀྱང་དེ་ལྟར་སྣང་།། ཆོས་དབྱིངས་གཅིག་ཀྱང་ཀུན་གཞི་རྐྱེན།། ཆོས་སྐུ་རྟོགས་དང་མ་རྟོགས་མེད།། ཡེ
106b4 ནས་ཀུན་ལ་ཁྱབ་པར་གནས།། ཆོས་ཉིད་སྣང་དང་མི་སྣང་མེད།། ཆོས་དབྱིངས་ཆོས་སྐུར་འདུས་མོད་ཀྱང་།། མ་འདུས་ཐ་དད་ལྟ་བུར་སྣང་།། དེ་ཡི་རྐྱེན་གྱིས་རྟོག་པ་བྱུང་།། དེ་ཕྱིར་གང་ཡང་རྟོག་པའི་རྐྱེན།། རྟོག
106b5 པའི་མཐུ་བརྟས་ཀུན་གཞིར་འགྱུར།། ཆོས་ཉིད་ཆོས་སྐུའི་རྐྱེན་ཡིན་པས།། རྒྱུ་རྐྱེན་མི་མཚུངས་ཐ་དད་ཡོད།། གདགས་ཤིང་བརྗོད་པ་ཐམས་ཅད་ནི།། མ་སྐྱེས་པ་ཡི་ཆོ་འཕྲུལ་ལས།། རང་བཞིན་མཉམ་པས་གཅིག།
106b6 ཟེར་ན།། ཐམས་ཅད་རང་བཞིན་ངང་གིས་གཅིག། ཡེ་ནས་སྤྲོས་བྲལ་བརྗོད་ལས་འདས།། རྩོད་གཞི་ཀུན་གཞི་རང་ཡང་མེད།། འཁོར་བ་མྱང་འདས་བརྗོད་དང་བྲལ།། དེས་ན་མི་མཚུངས་སོ་སོར་སྣང་།། དེ་ཡང་རྡོ།
iiif viewer powered by OpenSeadragon
