| e-texts navigator |
| Wylie |
106a1 མཐར་ཡང་རང་བྱུང་ཡེ་ཤེས་ཀྱིས།། བག་ཆགས་ཀུན་བཅོམ་ཤིན་ཏུ་སྟོང་།། གཏན་མེད་སྟོང་པའི་ཆོས་ཉིད་ལ།། མུ་སྟེགས་ཆད་ལྟར་ཡང་དག་འགྱུར།། ཆོས་སྐུ་ཡོད་མེད་གཉིས་དང་བྲལ།། གཏན
106a2 མེད་སྟོང་པ་ཆད་ལྟ་ཡིན།། རྫོགས་པ་ཆེན་པོ་དོན་འདུས་རང་བྱུང་བདེ་བའི་འཁོར་ལོའི་རྒྱུད་ལས།། ཀུན་གཞི་དང་པོ་ད་ལྟ་ཐ་མ་གང་དུ་འགྲོ་བ་བསྟན་པའི་ལེའུ་སྟེ་བདུན་པའོ།། །། དེ་ནས་འདུས་པའི་ཚོགས
106a3 རྣམས་ལ།། ཀུན་རིག་སྟོན་པས་བཀའ་སྩལ་པ།། མཚན་ཉིད་དང་ནི་རྒྱུ་རྐྱེན་དཔེ།། དང་པོ་ཀུན་གཞིའི་མཚན་ཉིད་ནི།། དངོས་པོར་མི་འགྱུར་གཏན་མེད་དང་།། དུས་གསུམ་ཤེས་པ་སྐད་ཅིག་རྒྱུན།། ཆད་པ་མེད་པར
106a4 གནས་ཕྱིར་རོ།། ཀུན་གཞི་བྱང་ཆུབ་སེམས་ཀྱིས་དང་།། སྤྲོས་པ་ཀུན་བྲལ་ཆོས་སྐུ་ལ།། རང་བཞིན་ལྷུན་གྲུབ་རྟོགས་པ་སྟེ།། རྒྱུན་དང་སྐད་ཅིག་ཡོད་དང་བྲལ།། དུས་གསུམ་འགྱུར་བ་མེད་པའི་དབྱིངས།། ཀུན
106a5 གཞིའི་མཚན་ཉིད་འདུས་བྱས་སྟེ།། མ་རིག་པ་དང་ལོག་ལྟ་གཉིས།། བག་ཆགས་ཡོངས་སུ་བརྟས་པ་ཡིས།། འདུས་བྱས་མིན་ན་མི་འགྱུར་ཞིང་།། དུས་གསུམ་བརྟན་པར་གནས་འགྱུར་ཏེ།། ཡེ་ཤེས་སྙིང་པོས་མཛད
106a6 ཕྱིར་རོ།། དེ་ཡང་རྡོ་རྗེ་སེམས་དཔའ་ཉོན།། གཞི་རྩ་མེད་པའི་ཀུན་གཞི་ནི།། གྲངས་ཀྱི་རྒྱུ་ལས་བྱུང་བ་མེད།། ཀུན་གཞིའི་རྣམ་ཤེས་འབྱུང་བའི་རྒྱུ།། སྲིད་གསུམ་མྱ་ངན་འདས་པ་དང་།། ཕྱི་ནང་དུས་གསུམ་བསྡུས
iiif viewer powered by OpenSeadragon
