| e-texts navigator |
| Wylie |
105a1 དང་།། ཚོགས་བརྒྱད་འདུས་ཤིང་འཇོམས་པ་ལ།། ཀུན་གཞིའི་རྣམ་ཤེས་ཡིན་ཞེས་བྱ།། དེ་ཡང་རྡོ་རྗེ་དཔའ་ཉོན།། ཕྱི་ནང་སྣང་གྲག་ཇི་སྙེད་པ།། ཀུན་གྱི་འབྱུང་གནས་ཀུན་གཞི་ལ། བག་ཆགས
105a2 བརྟས་པས་འབྱུང་བའི་ཕྱིར།། འཁོར་བ་མྱ་ངན་འདས་པ་ཡང་།། མི་དགེའི་ལས་དང་བསོད་ནམས་ཚོགས།། དམིགས་པའི་སྟོབས་རྫོགས་མངོན་གྱུར་པས།། ཐམས་ཅད་དེ་ལས་བྱུང་བས་ན།། དེ་ཡི་ཕྱིར་ན་ཀུན
105a3 གཞི་བྱ།། ཀུན་གཞི་འཁོར་བ་འབའ་ཞིག་ལས།། མྱ་ངན་འདས་པར་མིང་མི་གྲག། མ་རིག་བརྟས་པས་གཉིད་འདྲེས་དང་།། མ་རིག་མ་བྱུང་འཁོར་མེད་ཕྱིར།། ཀུན་གཞི་ཞེས་ནི་དེ་ལ་བྱ།། བྱང་ཆུབ་སེམས་དཔའི་ས
105a4 ལམ་ཀྱང་།། བྱེ་བྲག་རིམ་པར་ཕྱེ་བ་ནི།། དྲང་བའི་དོན་དུ་གསུངས་པར་ཟད།། དོན་ལ་བྱང་ཆུབ་སེམས་དཔའ་མེད།། མཚན་དང་ཡོན་ཏན་ཅི་བརྗོད་པ།། འགྲོ་དོན་དེ་བཞིན་གཤེགས་པ་ཉིད།། དེ་ལྟར་སྤྲུལ་ཅིང
105a5 དངོས་མེད་དེ།། བརྗོད་པ་དོན་ཡོད་གཤེགས་པར་སྣང་།། སངས་རྒྱས་ཀུན་གཞིའི་མིང་དང་བྲལ།། དེ་ཡང་རྡོ་རྗེ་སེམས་དཔའ་ཉོན།། ད་ནི་ཀུན་གཞིའི་རྣམ་ཤེས་ཀྱང་།། ལས་ཀྱི་མ་བསྒྲིབས་ལུང་མ་བསྟན།། ངོ་བོ
105a6 ཤེལ་སྒོང་ལྟ་བུ་ལ།། དགེ་སྡིག་གང་དུའང་མ་ངེས་ཕྱིར།། ཤེས་པ་རང་རིག་གསལ་གྱུར་ཀྱང་།། མ་བསྒྲིབས་བག་ཆགས་ཅི་སྟེ་འཇོག། མ་བསྒྲིབས་ཡེ་ཤེས་སྒྲིབ་ཉོན་ཡིན།། རྟེན་ནི་གང་གི་རྟེན་ཀྱང་བྱེད།། ཡིན་ནི
iiif viewer powered by OpenSeadragon
