| e-texts navigator |
| Wylie |
104b1 རྣས་དག་དེ་བཞིན་གཤེགས་པ་ལ།། ཀུན་གཞིའི་བག་ཆགས་མེད་ཕྱིར་རོ།། དེ་ཡང་རྡོ་རྗེ་སེམས་དཔའ་ཉོན།། དེ་ཡང་ཀུན་གཞིའི་རྣམ་ཤེས་ལ།། ལུས་ཀྱི་ཀུན་གཞིར་བཏགས་པས་ན།། སྐྱེས་བུའི་མཚན་དང་དཔེ
104b2 བྱད་དང་།། འཛག་མའི་སྲིན་བུ་ཡན་ཆད་ཀྱི།། ལུས་སུ་སྣང་བའི་དངོས་པོ་ནི།། ཀུན་གཞིར་མ་བྱུང་གཅིག་ཀྱང་མེད།། སེམས་ནི་ཡུལ་ལ་དམིགས་པ་སྟེ།། དེ་ལ་ངར་འཛིན་ཕྲ་བས་བྱས།། དེ་མེད་དེ་ཡང་མི་འབྱུང
104b3 ཕྱིར།། ཉོན་མོངས་སེམས་ཀྱི་ཀུན་གཞིར་བཏགས།། སྔར་གྱི་བག་ཆགས་ཇི་སྙེད་པ།། དེ་ཉིད་རྣམ་པར་རྟོག་ལས་བྱུང་།། རྟོག་པ་ཡིད་ཀྱི་རྣམ་ཤེས་ཡིན།། དེ་ཕྱིར་བག་ཆགས་ཀུན་གཞིས་བྱས།། རང་བཞིན་དག
104b4 པའི་ཀུན་གཞི་ནི།། ཀུན་ལ་ཁྱབ་པའི་ངང་ཉིད་ཀྱིས།། རང་བཞིན་ཡེ་སངས་རྒྱས་པ་སྟེ།། སུས་ཀྱང་མ་བྱས་བཙལ་དུ་མེད།། རང་བྱུང་བདེ་ཆེན་མ་རྟོགས་ཤིང་།། མ་རིག་རྟོག་པའི་བརྡའ་སྦྱོར་གྱིས།། འབྲས་བུ་གང
104b5 ཡང་འགྲུབ་པ་མེད།། སྣ་ཚོགས་བསགས་པའི་ཀུན་གཞི་ཡིན།། ཀུན་གཞི་སྤང་སྡུད་བརྟགས་པའི་རྐྱེན།། སྒོ་ལྔ་སྣང་བའི་ཡུལ་ཡིན་ཀྱང་།། དེ་ཉིད་ཡིད་ཀྱིས་མ་བཅད་པ།། ཀུན་གཞི་ཡིན་ཀྱང་རྣམ་ཤེས་མིན།། དེ
104b6 ཡང་ཡིད་ཀྱི་རྣམ་ཤེས་ཀྱིས།། བག་ཆགས་སྣ་ཚོགས་བགོས་གྱུར་ཀྱང་།། བག་ཆགས་བརྟས་པར་མི་ནུས་པས།། རྣམ་ཤེས་ཡིད་ཀྱང་ཀུན་གཞི་མིན།། རྣམ་ལྔ་ཅིར་ཡང་སྣང་བ་ལ།། གཉིས་མེད་ཡོངས་སུ་འདྲིས་པ
iiif viewer powered by OpenSeadragon
