| e-texts navigator |
| Wylie |
104a1 འདུ་བྱེད་ལྔ་བཅུ་རླུང་ལྟར་འཚུབས།། རྣམ་ཤེས་ཚོགས་བརྒྱད་དགྲ་ལྟར་རྒོད།། ཀུན་གཞིའི་ཉོན་མོངས་མུན་ལྟར་གཏིབས།། དེའི་དབྱིངས་ཐིག་ལེ་ཆོས་སྐུ་ཡོད།། དཔེར་ན་རིན་ཆེན་འདམ་བྱིང་འདྲ།།
104a2 མ་རིག་ཉོན་མོངས་སྐྱེས་པའི་ཚེ།། འཁོར་བའི་མཐའ་ལ་ཟད་པ་མེད།། དེ་ཕྱིར་ཕྱི་མའི་རྒྱར་ཆུད་གོལ།། དེ་ཡང་འཁོར་གྱི་སྙིང་པོ་ཉོན།། སྔ་ཕྱིའི་རྟོག་པ་སྐྱེས་པ་ཡིས།། སེམས་དང་སེམས་བྱུང་ལ་སོགས་པ།། མ་རིག
104a3 འཁྲུལ་པས་རྟག་ཏུ་མྱོས།། དེ་ཕྱིར་ཀུན་གཞི་འཁོར་བའི་ཆོས།། རྫོགས་པ་ཆེན་པོ་དོན་འདུས་རང་བྱུང་བདེ་བའི་འཁོར་ལོའི་རྒྱུད་ལས། སེམས་ཀྱི་མུན་གསེབ་ན་ཐིག་ལེ་ཉག་གཅིག་ཡེ་ནས་ཡོད་པར་བསྟན་པའི་ལེའུ
104a4 སྟེ་ལྔ་པའོ།། །། དེ་ནས་ཀུན་རིག་རྒྱལ་པོ་ཡིས།། འདུས་པའི་འཁོར་ལ་བཀའ་སྩལ་པ།། སེམས་ཅན་ཀུན་ལ་གནས་པ་ཡི།། ཀུན་གཞི་རྣམ་གྲངས་དབྱེ་བའི་དོན།། ཐེག་པ་ཀུན་གྱི་འདོད་གཞུང་གི།། ངོ་བོ
104a5 དབྱེ་བ་ངེས་ཚིག་ལས།། ཀུན་གཞིའི་རྣམ་ཤེས་ངོ་བོ་ནི།། རང་རིག་གསལ་བའི་ཤེས་པ་དེ།། ཤེལ་སྒོང་ལྟ་བུར་དག་པ་ལ།། སྐད་ཅིག་རྒྱུན་དུ་རྟག་པ་ཡིས།། ཀུན་གཞི་བྱང་ཆུབ་སེམས་ཀྱི་ངང་།། སུས་ཀྱང་མ་བྱས
104a6 རང་བཞིན་གནས།། དེ་དོན་ཡོངས་ལ་ཁྱབ་པའི་དབྱིངས།། གནས་འགྱུར་མེ་ལོང་ཡེ་ཤེས་རྫོགས།། ཡང་དག་ཨ་ཏི་ངེས་དོན་ལ།། མ་རིག་ལོག་ལྷའི་བག་ཆགས་རྣམས།། རང་བཞིན་གནས་ནས་ཀུན་ཁྱབ་ཀྱང་།།
iiif viewer powered by OpenSeadragon
