| e-texts navigator |
| Wylie |
103b1 སྤོང་གྲིབ་མ་འདྲ།། དེ་ཕྱིར་སྤོང་བའི་རྟོག་པ་གོལ།། དེ་ཡང་འདུས་པའི་སྙིང་པོ་ཉོན།། སྡུད་པའི་རྟོག་པ་སྐྱེས་པའི་ཚེ།། འདུ་བྱེད་མཚོ་ཁའི་ངང་ངུར་འདྲ།། ཚོགས་བརྒྱད་ཉ་ལ་སྲམ་སྡོད་འདྲ།། ཀུན་གཞི་རྒྱ་མཚོ་ཆེན
103b2 པོ་འདྲ།། ནང་ན་ཐིག་ལེ་ཉག་གཅིག་བཞུགས།། དཔེ་ནི་ཨུ་དུམ་ཝ་ར་འདྲ།། ཁ་ནས་མི་མངོན་གཏིང་ན་གནས།། དེ་བཞིན་ཡུལ་དང་འབྲེལ་མེད་ཕྱིར།། དེ་བསད་ཤ་ལ་ཟོས་པ་མེད།། སེམས་ཡིན་ཆོས་ཀྱིས་སངས
103b3 མི་རྒྱ།། དེ་ཕྱིར་སྡུད་པའི་རྟོག་པ་གོལ།། དེ་ཡང་རྡོ་རྗེ་སེམས་དཔའ་ཉོན།། ཞེན་པའི་རྟོག་པ་སྐྱེས་པའི་ཚེ།། འདུ་བྱེད་ལྔ་བཅུ་ནགས་ཚལ་འདྲ།། རྣམ་ཤེས་ཚོགས་བརྒྱད་རི་དྭགས་འདྲ།། ཀུན་གཞིའི་བག་ཆགས་རྩ
103b4 གྲངས་འདྲ།། དེ་ཡི་གསེབ་ན་ཆོས་སྐུ་བཞུགས།། དཔེ་ནི་སེང་གེ་དཀར་མོ་འདྲ།། གཞན་གྱིས་མཐོང་བ་མེད་པ་བཞིན།། དངོས་པོའི་ཡུལ་ལ་བྱང་ཆུབ་མེད།། དེ་ཕྱིར་ཞེན་པའི་རྟོག་པ་གོལ།། དེ་ཡང་འདུས་པའི་སྙིང
103b5 པོ་ཉོན།། སྔར་གྱི་བག་ཆགས་དྲན་པའི་ཚེ།། འདུ་བྱེད་ལྔ་བཅུ་ཆུ་ལྟར་འབྲུབ།། རྣམ་ཤེས་ཚོགས་བརྒྱད་མེ་ལྟར་འབར།། ཀུན་གཞིའི་བག་ཆགས་ས་ལྟར་རྫིངས།། དེ་གསེབ་ཐིག་ལེ་ཉག་གཅིག་བཞུགས།། དཔེ་ནི
103b6 རིན་ཆེན་གསེར་དང་འདྲ།། དེ་ཉིད་རྙེད་པར་དཀའ་བའི་ཕྱིར།། བག་ཆགས་དགེ་སྡིག་བསགས་པའི་ལས།། སེམས་ལ་འཛིན་པ་ཡོད་ཕྱིར་གོལ།། དེ་ཡང་འཁོར་གྱི་སྙིང་པོ་ཉོན།། ཕྱིས་ཀྱི་ཉོན་མོངས་སྐྱེས་པའི་ཚེ།།
iiif viewer powered by OpenSeadragon
