| e-texts navigator |
| Wylie |
102a1 གཏོང་། དེ་དག་སྣོད་ངན་མི་རྣམས་ལ།། ཡང་དག་ངེས་དོན་འདི་བསྟན་ན།། མཁའ་འགྲོ་རྣམས་ཀྱིས་སྲོག་བཅད་ནས།། ཕྱི་མ་རྡོ་རྗེ་དམྱལ་བར་ལྟུང་།། དེ་ཕྱིར་མ་བརྟགས་ཆོས་མི་བཤད།། དེ་ཡང་རྡོ
102a2 རྗེ་སེམས་དཔའ་ཉོན།། ཚིག་དང་ཡི་གེས་དོན་མཚོན་ཏེ།། མན་ངག་སྙིང་པོས་ཁོག་ཕུབ་ནས།། དོན་དང་མི་འགལ་ས་བཅད་ལ།། ཚིག་ཉུང་དོན་དུ་རྫོགས་པར་མཚོན།། དེ་ལྟར་མི་ཤེས་གང་ཟག་གིས།། དོན་མེད
102a3 ཚིག་གིས་གོང་འོག་དཀྲུགས།། རྩལ་བཤད་ཐོ་ཆོས་གཞུང་ཉམས་བྱེད།། མཚམས་མེད་སྡིག་པའི་ཆར་མི་ཕོད།། རྫོགས་པ་ཆེན་པོ་དོན་འདུས་རང་བྱུང་བདེ་བ་འཁོར་ལོའི་རྒྱུད་ལས། རྐྱེན་སྣོད་བཅུད་བསྟན་པའི
102a4 ལེའུ་སྟེ་གཉིས་པའོ།། །། དེ་ནས་རྡོ་རྗེ་སེམས་དཔའ་ཡིས།། འདུས་པའི་འཁོར་གྱི་དོན་ཆེད་དུ།། ཀུན་རིག་སེམས་ཀྱི་རྒྱལ་པོ་ལ།། ངེས་པའི་དགོས་དོན་འདི་སྐད་གསོལ།། ཆོས་སྐུ་རང་ཆས་ཡེ་གནས་ཀྱང་།།
102a5 མ་རྟོགས་འཁོར་བས་ཇི་ལྟར་འཆིངས།། མ་རིག་སེམས་ཀྱི་མུན་གསེབ་ན།། ཐིག་ལེ་ཉག་གཅིག་ཇི་ལྟར་ཡོད།། ཀུན་གཞིའི་རྣམས་གྲངས་དབྱེ་བ་གང་།། ཐེག་བརྒྱད་མི་གྲོལ་ཇི་ལྟར་གོལ།། ཐུགས་རྗེས་གཟེངས
102a6 བསྟོད་བཤད་དུ་གསོལ།། ཞུས་པའི་དོན་གསན་བཀའ་སྩལ་པ།། ཆོས་ཀུན་རྩ་བ་ཡེ་སངས་རྒྱས།། སྐྱོན་གྱི་སྤྲོས་པའི་མཐའ་བྲལ་ཀྱང་།། མ་རིག་ཀུན་གཞི་བག་ཆགས་ལུས།། འཁོར་བ་འབྱུང་བའི་རྩ་བར་བཤད།།
iiif viewer powered by OpenSeadragon
