| e-texts navigator |
| Wylie |
101b1 དང་སེམས་ཀྱི་ཆོས་དར་ཏེ།། སྡེ་སྣོད་ཆོས་ཀུན་ནུབ་གྱུར་ནས།། དེ་ཚེ་སྐལ་ལྡན་འགའ་འགའ་ལ།། བསྟན་པ་ཙམ་གྱིས་རྟོགས་པ་ཡི།། འབྲས་བུའི་སངས་རྒྱས་དུས་དེར་འབྱུང་།། དེ་ཡང་འཁོར་གྱི་སེམས་དཔའ
101b2 ཉོན།། ངེས་པའི་ལུང་ལྡན་བླ་མ་ལ།། བསླབ་པའི་ཆོས་བཅུ་རྫོགས་པ་དང་།། མ་ནོར་ངེས་པའི་མན་ངག་རྒྱུན།། མ་ཆད་གཞུང་སྟོན་མཁས་ལ་ཞུས།། དེ་ཡང་རྡོ་རྗེ་སེམས་དཔའ་ཉོན།། སློབ་མ་དམ་མེད་ལ་བསྟན
101b3 ན།། ཁྱད་མེད་ཟེར་ཞིང་སྒྲོ་སྐུར་འདོགས།། དེ་ཕྱིར་ངེས་དོན་འདི་མི་བསྟན།། མི་གུས་ཕྱིར་ན་སྐུའི་དམ་ཉམས།། གཡོ་སྒྱུ་ཅན་གྱི་མི་ངན་ལ།། མན་ངག་མ་བསྟན་པར་དུ་ཡང་།། ངེས་དོན་ཟབ་མོའི་ཆོས་མི་བཤད།།
101b4 མི་གོ་ཕྱིར་ན་གསུང་དམ་ཉམས།། དད་མེད་ཁ་གསག་ཅན་ལའང་།། ཐུགས་འཐད་ཡོན་རྣམས་མ་རྫོགས་པར།། ཡང་དག་ཟབ་མོའི་རྒྱུད་མི་སྦྱིན།། གཞུང་ངན་བྱེད་ཕྱིར་ཐུགས་དམ་ཉམས།། དེ་ཡང་འདུས་པའི་སྙིང
101b5 པོ་ཉོན།། དད་ལྡན་སློབ་མ་བརྩེ་གདུང་ཅན།། མངགས་པའི་ལས་ལ་གུས་པར་བྱེད།། ཡིད་འཐད་རྫས་ལ་ཕངས་མེད་འབུལ།། མི་སྤེལ་གཉེར་ཐུབ་རྣམས་ལ་བཤད།། དེ་དང་མི་ལྡན་སྣོད་ངན་ནི།། གྱོང་ལ་ཁེངས
101b6 པའི་ང་རྒྱལ་ཅན།། སེར་སྣ་ཆེ་ལ་གཏོང་ཕོད་ཆུང་།། མན་ངག་བསྲེས་ཏེ་ཀུན་ལ་སྟེར།། ཕྱི་ཟག་ཟུང་ཞིང་བླ་མ་སྨོད།། ཟས་ལ་ངན་ལ་ནོར་དད་ཆེ།། རྣམ་སྨིན་མི་བལྟ་གྲགས་པ་བསྒྲུབ།། ཕྱི་ནང་མེད་པར་འཕྱར་ཁ
iiif viewer powered by OpenSeadragon
