| e-texts navigator |
| Wylie |
101a1 བྱུང་བདེ་བའི་འཁོར་ལོ་མཐར་ཕྱིན་འབྲས་བུའི་རྒྱུད་ལས། ངེས་དོན་འབྱུང་བའི་རྒྱུད་ཀྱི་གླེང་གཞི་བསྟན་པའི་ལེའུ་སྟེ་དང་པོའོ།། །། དེ་ནས་རྡོ་རྗེ་སེམས་དཔའ་ཡིས།། འདུས་པའི་འཁོར་ལ
101a2 ཕན་གདགས་ཕྱིར།། ཀུན་རིག་སེམས་ཀྱི་རྒྱལ་པོ་ལ།། བདེན་པའི་ཡིད་ཀྱིས་འདི་སྐད་གསོལ།། ངེས་དོན་བཤད་དུས་གང་ལ་བབ།། སྣོད་བཅུད་རིམ་པ་གང་ལ་བསྟན།། ཚིག་དང་ཡི་གེས་ཇི་ལྟར་མཚོན།། ཀུན
101a3 རིག་རྒྱལ་པོས་བཤད་དུ་གསོལ།། དེ་སྐད་ཞུས་པའི་དོན་གསན་ནས།། འདུས་པའི་འཁོར་ལ་བཀའ་སྩལ་པ།། ལེགས་སོ་དང་ལྡན་འཁོར་རྣམས་ཉོན།། དེ་དོན་ངས་བཤད་ཡིད་ཀྱིས་ཟུང་།། ངེས་དོན་བཤད་པའི
101a4 དུས་དེ་ཡང་།། ཉན་ཐོས་རང་རྒྱལ་མདོ་སྡེའི་ཆོས།། སྡེ་སྣོད་གསུམ་གྱི་ཆོས་དར་ཚེ།། ངེས་དོན་གསང་བའི་རྒྱུད་བཤད་ན།། སྣོད་ངན་རྣམས་ནི་སྐྲག་ཕྱིར་ལྟུང་།། དེ་བས་མན་ངན་ངེས་དོན་འདི།། འབྱུང་བའི་དུས་ལ
101a5 མ་བབ་པར།། རིག་འཛིན་རྣམས་ཀྱིས་སེམས་ལ་ཆོངས།། དེ་སྦས་ཡོན་ཏན་སངས་རྒྱས་འབྱུང་།། དེ་ཡང་རྡོ་རྗེ་སེམས་དཔའ་ཉོན།། དུས་ཀྱི་ཐ་མ་ལྔ་བརྒྱ་ན།། མནའ་ཟ་ཁྲིམས་འཆལ་དམ་ཉམས་འབྱུང་།། མཚོན
101a6 དང་མུ་གེས་ཚེ་ཐུང་དུས།། རྫོགས་ཆེན་སྙིང་པོ་དུས་དེར་བཤད།། ལན་གཅིག་དུས་ཀྱི་དེང་སང་ན།། སངས་རྒྱས་བསྟན་པ་འཇིག་ཀའི་ཚེ།། འཛམ་གླིང་བོད་ཀྱི་བྱང་ཕྱོགས་སུ།། རྒྱུད་དང་ཏནྟྲ་མང་པོ་འབྱུང་།། ལུང
iiif viewer powered by OpenSeadragon
