| e-texts navigator |
| Wylie |
100b1 ངག་གདུང་བས་དོན་གསོལ་པ།། སྙིང་རྗེ་ཆེན་པོས་བདག་ལ་གཟིགས།། མ་རིག་ལས་ཀྱིས་སྲིན་པོར་སྐྱེས།། སེམས་ཅན་ལུས་སྲོག་ཟས་སུ་ཟོས།། ལས་ངན་འགྱོད་པའི་ཡིད་ཀྱིས་བཤགས།། ཉིད་ཀྱི་བསྟན་པ
100b2 བདག་གིས་བསྲུང་།། དམ་ཉམས་ལུས་སྲོག་ཟས་སུ་བསླང་།། བདག་གི་རང་སྲོག་སྙིང་པོ་འདི།། འབུལ་གྱིས་ཐུགས་རྗེ་མ་ཆུང་ཞིག། དེ་སྐད་ཞུས་པའི་དོན་གོ་ནས།། རིག་འཛིན་སེམས་དཔའ་ཆེན་པོ་དེས།། རྒྱུད
100b3 འདིའི་སྲུང་མར་དམ་བཏགས་ཏེ།། ཕྱི་རབས་རྣལ་འབྱོར་དོན་ཆེད་དུ།། དབབ་བཅད་བཟློག་དང་བྱས་པ་བཤིག། དམ་ཉམས་སྲོག་ལ་དབབ་པ་ཡི།། གསང་བའི་མན་ངག་རྣམ་བཞི་བྱས།། ཐུགས་ལ་བཅངས་ཏེ་ཡིད
100b4 ལ་སྦས།། དེ་ནས་ཤཱཀ་ཐུབ་སྤྲུལ་པ་དེས།། འཛམ་གླིང་བདེ་ལྡན་གནས་དག་ཏུ།། ད་ལྟ་དུས་ཀྱི་དེང་སང་ན།། གསང་བདག་སྤྲུལ་པ་དད་ཉན་ལ།། སྡེབ་སྦྱོར་ལེགས་པའི་ཚིག་ཏུ་གསུངས།། དེ་ཡང་འདུས་པའི་འཁོར
100b5 རྣམས་ཉོན།། ཀུན་བཟང་ང་ཡི་བྱིན་རླབས་ཀྱིས།། བཤད་དུས་དེ་དག་རྣམ་པ་གསུམ།། གདུལ་བྱའི་འཁོར་ལ་ཐ་དད་ཀྱང་།། དུས་གསུམ་གཅིག་སྟེ་ཁྱད་མེད་ཕྱིར།། རིམ་པར་དབྱེར་མེད་ངོ་བོ་གཅིག། དེ་སྐད
100b6 གསུངས་པའི་དོན་གོ་ནས།། སྐལ་ལྡན་འདུས་པ་རྣམས་ཀྱིས་ཀྱང་།། གུས་ལྡན་དང་བས་རྩེ་གཅིག་ཏུ།། དད་ཅིང་མོས་པའི་ཡིད་ཀྱི་འཁོད།། རྫོགས་པ་ཆེན་པོ་ཤིན་ཏུ་རྣལ་འབྱོར་སངས་རྒྱས་ཐམས་ཅད་འབྱུང་བ
iiif viewer powered by OpenSeadragon
