| e-texts navigator |
| Wylie |
100a1 སྟེ།། འཇིག་རྟེན་གསུམ་ན་འགྲན་ཟླ་མེད།། སངས་རྒྱས་ཆོས་ཀུན་ཐུགས་ལ་རྫོགས།། འདོད་ཁམས་འཛམ་གླིང་སྣོད་ལྡན་ལ།། བསྟན་པ་ཙམ་གྱིས་རྟོགས་པའི་ཆོས།། སྡེབ་སྦྱོར་ལེགས་པའི་ཚིག་ཏུ
100a2 གསུངས།། ངེས་དོན་གསང་བའི་རྒྱུད་ཆེན་འདི།། རང་གི་སེམས་ལ་གསལ་བ་ལས།། ཚིག་གི་ཐོག་ཏུ་མི་ཕེབས་ཕྱིར།། བདག་གིས་འགྲོ་བ་ཤིན་ཏུ་དཀའ།། ཡང་དག་ངེས་དོན་དགོངས་པ་དེ།། མ་རྟོགས་པ་ལ་ཚིག
100a3 སྒོ་ནས།། མཚོན་ནས་རྟོགས་པར་བྱ་བའི་ཕྱིར།། ཅི་རིགས་པར་ནི་ཁྱོད་ཀྱིས་གསུངས།། ལྷ་དབང་བཀའ་གཉེན་དྲིན་ཆེ་བས།། མི་ཡུལ་འཛམ་གླིང་དད་ལྡན་གྱི།། མ་རིག་མུན་པ་བདག་གིས་བསལ།། བདེ་གཤེགས
100a4 རྣམས་ཀྱི་བྱིན་གྱིས་རློབས།། ངེས་པའི་དོན་ལྡན་སློབ་མ་ལ།། ངེས་དོན་གསང་བའི་རྒྱུད་ཆེན་འདི།། མ་བསླད་མ་བཅོས་འཆད་ནུས་ན།། བདེ་གཤེགས་འཁོར་གྱི་བསྲུང་ཞིང་སྐྱོབ།། དེ་སྐད་ཞུས་པའི་དོན་གསན
100a5 ནས།། རིག་འཛིན་སེམས་དག་དགྱེས་གྱུར་ཏེ།། སྐལ་ལྡན་འདུལ་བའི་དོན་ཆེད་དུ།། ངང་པ་གསེར་མདོག་སྐུར་སྤྲུལ་ཏེ།། བྱང་ཆུབ་མོ་ཡི་བུར་སྐྱེས་ནས།། ཡོན་ཏན་ཡ་མཚན་ཅན་གྱུར་ཏེ།། འབྲལ་མེད་རྒྱུན་གྱི་ཏིང
100a6 འཛིན་ལ།། བདེ་ལྡན་གནས་སུ་མཉམ་པར་གཞག། དུས་དང་ལོག་སྲེད་དྲགས་པ་ཅན།། བར་ཆད་བྱ་ཕྱིར་བྲེད་བསྡིགས་པ།། དེས་དོན་བལྟ་བས་ཟིལ་མནན་པས།། བྲེད་ཅིང་སྔངས་བརྒྱལ་དྲན་ཉམས་ཏེ།། ལུས
iiif viewer powered by OpenSeadragon
