| e-texts navigator |
| Wylie |
99a1 བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། དམ་ཚིག་གསང་བ་བཤད་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ། རིགས་ཀྱི་བུ་ངེས་པར་ཟུང་ཞིག། དམ་ཚིག་དབང་ལས་སྐྱེ
99a2 བས་ན།། མ་བསྐུར་པ་ཡི་དབང་ཆེན་ལ།། བསྲུང་དུ་མེད་པའི་དམ་ཚིག་བཞི།། མ་ཉམས་ཡེ་བསྲུངས་གདེངས་དང་ལྡན།། ང་ཡི་དམ་ཚིག་གསང་བ་ནི།། རང་རིག་ཡེ་ཤེས་ཆེན་པོ་ལ།། བསྲུང་བྱ་སྲུང་བྱེད་གཉིས་མེད
99a3 པས།། ཉམས་དང་མ་ཉམས་གཉིས་སུ་མེད།། ཐེག་བརྒྱད་བཅོས་མའི་དམ་ཚིག་གྲངས།། མི་བསྲུང་བས་ན་མེད་ཅེས་བྱ།། འོག་མའི་དམ་ཚིག་ལས་གྲོལ་ཞིང་།། རང་གི་སྒོ་གསུམ་ཡངས་པས་ན།། ཕྱལ་པ་ཞེས་སུ
99a4 བཏགས་པ་ཡིན།། བསྲུང་དུ་མེད་པའི་དམ་ཚིག་ལ།། འདའ་མི་སྲིད་པའི་བསྲུང་ཐབས་ནི།། རང་རིག་ཡེ་ཤེས་གཅིག་པུ་ལས།། གཅིག་པུ་ཞེས་སུ་བཏགས་པ་ཡིན།། རང་གི་ཡེ་ཤེས་གཅིག་པུ་ལ།། བྱ་བཙལ་མེད
99a5 པར་ཡེ་བསྲུངས་པས།། ལྷུན་གྲུབ་ཅེས་སུ་བཏགས་པ་ཡིན།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། དམ་ཚིག་བསྟན་པའི་ལེའུ་སྟེ་གྱ་བརྒྱད་པའོ།། །། དེ་ནས་ཡང་གསང་བའི་བདག་པོས
99a6 ཞུས་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། དམ་ཚིག་དོན་བཤད་ཇི་ལྟར་ལགས།། ཞེས་ཞུས་སོ།། སྟོན་པས་བཀའ་སྩལ་པ།། རྡོ་རྗེ་འཛིན་པ་ལེགས་པར་ཟུང་ཞིག། དམ་ཚིག་ངོ་བོ་ངེས་ཚིག་དང་།། དབྱེ་བ་མཐུན
iiif viewer powered by OpenSeadragon
