| e-texts navigator |
| Wylie |
98b1 དུ་ད་ལྟ་ཚོགས་དྲུག་སྤྲུལ་པ་ཤར་ལུགས་དང་། རྫོགས་ལྡན་གྱི་སྐབས་སུ་སྦྲུལ་སྐུ་བྱོན་ལུགས་སུ་བཤད་དོ།། ཕྱིར་དབང་རྫས་བཞི་ལ་བརྟེན་ལ་དབང་བསྐུར། ནང་དུ་ཆོས་སྐུའི་གནས་ལུགས་དང་། རིན་པོ་ཆེའི
98b2 སྦུབས་བཤད་དོ།། རིན་པོ་ཆེའི་གདམས་ངག་དང་འབྲེལ་བར་བཤད་དོ།། དེའི་རིམ་པ་ནི་ངས་བསྟན་པའི་ཡེ་ཤེས་བླ་མ་རུ་ཤེས་པར་བྱའོ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། རྒྱུད་ཀྱི
98b3 ལྡང་ཚད་སྡོམ་དང་། དབང་བསྡུས་ནས་བསྟན་པའི་ལེའུ་སྟེ་གྱ་དྲུག་པའོ།། །། ད་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། དབང་གི་དོན་བཤད་གསུང་དུ་གསོལ།། ཞེས་ཞུས
98b4 སོ།། སྟོན་པས་བཀའ་སྩལ་པ། རྡོ་རྗེ་འཛིན་པ་ལེགས་པར་ཟུང་ཞིག། དབང་གི་ངོ་བོ་ངེས་ཚིག་དང་།། དབྱེ་བ་མཐུན་པའི་དཔེ་བཤད་པ།། དབང་གི་ངོ་བོ་རང་བྱུང་གི་ཡེ་ཤེས་གཞན་དབང་དུ་མ་གྱུར་པའོ།། དབང
98b5 གི་ངེས་ཚིག་ནི། འཁོར་འདས་ཀྱི་ཆོས་ཐམས་ཅད་ལ་མངའ་མཛད་ཅིང་དབང་བསྒྱུར་བས་ནའོ།། དབྱེ་ན་ཐུན་མོང་དང་ཁྱད་པར་གོང་བཞིན་ནོ།། དཔེ་ནི་རྒྱལ་པོ་ལ་གླང་པོ་ཆེས་དབང་བསྐུར་བས་རྒྱལ་པོར་རང
98b6 དབང་ཐོབ་སྟེ། རྒྱལ་ས་ཟིན་པ་ལྟ་བུའོ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། དབང་གི་དོན་བཤད་པ་གསལ་བར་བསྟན་པའི་ལེའུ་སྟེ་རྒྱ་བདུན་པའོ།། །། དེ་ནས་ཡང་གསང་བའི
iiif viewer powered by OpenSeadragon
